ބީއެމްއެލްގެ އެހީގައި މި ދެ ޕްރޮޖެކްޓް ހިންގާފައިވަނީ ހދ. ކުމުންދޫ އަދި ގދ. ވާދޫގައެވެ.
ބީއެމްއެލްއިން ބުނީ ހދ. ކުމުންދޫގައި ހިންގާފައިވަނީ ކޮންމެ ދުވަހަކު ބާނާ މަހުގެ ކުނި މެނޭޖްކޮށް، އެތަކެތިން މަސް ކާނާ އުފައްދާ ޕްލާންޓެއް ގާއިމުކުރުމުގެ ޕްރޮޖެކްޓެއްކަމަށެވެ. އަދި ގދ. ވާދޫގައި ހިންގާފައިވަނީ އެރަށުގެ "ބްލޫ ބައުލްސް" ރާޅާއަޅާ ސަރަހައްދުގެ ފަރު ދެމެހެއްޓެނިވި ގޮތެއްގައި ބޭނުންކުރެވޭ ގޮތަށް ރައްކާތެރިކުރުމަށް ހިންގުނު ޕްރޮޖެކްޓެކެވެ.
ސްމޯލް ގްރާންޓް ފަންޑުގެ އެހީގައި ކުމުންދޫގައި ހިންގި މަޝްރޫއު ކުރިއަށް ގެންގޮސްފައި ވަނީ ކުމުންދޫ ރިވައިވަލް އިނިޝިއޭޓިވް (ކުރެވި) އިންނެވެ. އަދި ގދ. ވާދޫ ކައިރީގައި އޮންނަ ބްލޫ ބައުލްސް ރާޅާ އަޅާ ސަރަހައްދުގެ ފަރު ރައްކާތެރިކުރުމުގެ މަސައްކަތް ކޮށްފައި ވަނީ ގދ. ވާދޫގައި ހުވަދޫ އެސޮސިއޭޝަން ފޯ ޓޫރިޒަމް (ހެޓް) އިންނެވެ.
