މި ފަން ރަންގައި ބައިވެރިވާ ފަރާތްތައް ލައިން އަޕް ވުމަށް ހަމަޖެހިފައިވަނީ ހުކުރު ދުވަހު ހަވީރު 3:30 ގައެވެ. ދުވުން ރަސްމީކޮށް ފަށާނީ ހުކުރު ދުވަހު ހަވީރު 3:50 ގައެވެ.
މި އިވެންޓުގައި އެކުއެޓިކް ވައިބް އަދި ޑީޖޭ ޕައިޑޭ މިއުޒިކް ކުޅުމަށް ހަމަޖެހިފައިވާއިރު، އޮބްސްޓަކަލް ކޯހެއްގެ އިތުރުން ފޮމް ޕާޓީއަކާއި ކުލަތަކުގެ މަޖާވެސް ހިމެނެއެވެ.
މި ފަން ރަން ޕީއެސްއެމް ނިއުސް އަދި ޓީވީއެމް އިން ލައިވްކޮށް ދައްކާނެއެވެ. އަދި މި އިވެންޓަކީ ގިނަ ބައެއްގެ ޝައުގުވެރިކަން ހުރި އިވެންޓަކަށް ވާނެ ކަމަށް ބެލެވެއެވެ.
މި އިނާމަކީ އުރީދޫ އާއި ފިޓްސްއެއާ ގުޅިގެން ދޭ އިނާމެކެވެ. މި އިނާމު ލިބޭނީ ހުކުރު ދުވަހު ހަވީރު 5:45ގެ ކުރިން ފަންރަންގައި ރަޖިސްޓްރީވެ، ގޯޕްލޭ އެޕް ޑައުންލޯޑުކޮށް، އެޕްގައި ސައިންއަޕްކުރާ ކަސްޓަމަރުންގެ ތެރެއިން ގުރުއަތުން ހޮވޭ ދެ ފަރާތަކަށެވެ.
މި ގުރުއަތުލުން ބާއްވާނީ މާދަމާ އޮންނަ ފަންރަންގައެވެ. ފިޓްސްއެއާ އަކީ ސްރީލަންކާގެ އަމިއްލަ ފަރާތަކުން ހިންގާ ފުރަތަމަ ބައިނަލްއަގުވާމީ އެއާލައިނެވެ. އެ އެއާލައިނުން ދުބާއީ، ކޮލަމްބޯ، ޗެންނާއީ އަދި ޑާކާ ފަދަ މަންޒިލްތަކަށް އެންމެ އަގުހެޔޮކޮށް ދަތުރުކުރުމުގެ ފުރުސަތު ފޯރުކޮށްދެއެވެ.
ހުޅުމާލެ ސެންޓްރަލް ޕާކުގައި މާދަމާ ހަވީރު ބޭއްވުމަށް ހަމަޖެހިފައިވާ ފަންރަންގައި ފިޓްސްއެއާގެ ޓެންޓެއް ހުންނާނެއެވެ. އެ ޓެންޓުން އެ އެއާލައިނަށް ރަޖިސްޓްރީ ކުރާ ފަރާތްތަކަށް ކޮލޮމްބޯއަށް ކުރާ ދަތުރުތަކުން 15 ޕަސަންޓުގެ ޑިސްކައުންޓެއް ލިބޭނެއެވެ.
