އެމްޕީއެލްއިން އެ އެއްބަސްވުން ވެފައި މިވަނީ އެ ރަށު ކައުންސިލާ ދެމެދުއެވެ.
އެމްޕީއެލްގެ ފަރާތުން މި އެއްބަސްވުމުގަިއ ސޮއިކުރީ ސީއީއޯ މުހައްމަދު ވަޖީހު އިބްރާހީމް އެވެ. އަދި އިހަވަންދޫ ކައުންސިލްގެ ފަރާތުން އެއްބަސްވުމުގައި ސޮއިކުރީ ކައުންސިލްގެ ރައީސް އަހުމަދު ސޮބާހެވެ.
އެ ޑޮކްޔާޑު އަޅަން އެމްޕީއެލް އަށް އެއްލައްކަ އަކަފޫޓުގެ ބިމެއް 50 އަހަރަށް ދޫކުރާއިރު އެ ބިމަށް ކުލީގެ ގޮތުގައި އެއްވެސް ފައިސާއެއް ނުނަގާނެ ކަމަށް އިހަވަންދޫ ކައުންސިލުން މައުލޫމާތުދެއެވެ.
އެ ޑޮކްޔާޑް އެޅުމުގެ މަސައްކަތް ކުރިއަށް އޮތް 6 މަސްދުވަހުގެ ތެރޭގައި ފެށޭނެކަމަށް އެމްޕީއެލްއިން ބުނެއެވެ.
އެއްބަސްވުމުގެ ރަސްމިޔާތުގައި ވާހަަކަ ދައްކަވަމުން ކައުންސިލަރު ސޮބާހު ވިދާޅުވީ ޑޮކްޔާޑާއެކު އިހަވަންދޫގެ ރައްޔިތުންނަށް ވަޒީފާގެ ފުރުސަތުތައް ފަހިވެ، އިންވެސަޓްމެންޓުން ރައްޔިތުންނަށް ލުއިފަސޭހަ ލިބިގެން ދާނެކަމަށެވެ.
އޭގެއިތުރުން ޑޮކްޔާޑުގެ އަމަލީ މަސައްކަތް ފެށުމާއެކު، އެމްޕީއެލްގެ ފަރާތުން ކުރިއަށްގެންދާ އެކި އެކި ކޯސަތަކުގައި ބައިވެރިވުމުގެ ފުރުސަތު ލިބިގެންދާނެކަމަށްވެސް ސޮބާހު ވިދާޅުވިއެވެ.
އިހަވަންދޫގައި ޑޮކްޔާޑެއް އެޅުމަކީ ބަންކަރިން ހިދުމަތުގެ ތެރޭގައި ހިމެނޭ މަސައްކަތެކެވެ.
އިހަވަންދިއްޕޮޅު ނުވަތަ މޯލްޑިވްސް އިކޮނޮމިކް ގޭޓްވޭގައި އިންޓަނޭޝަނަލް ބަންކަރިން ފެސިލިޓީއެއް އެޅުމަށް އެސްޓީއޯ އިން ނެދަލޭންޑްސްގެ ކުންފުންޏެއް ކަމަށްވާ "ވިޓޯލް"އާ އެކު އެއްބަސްވުމުގައި ސޮއިކުރީ މިދިޔަ މާޗު މަހު އެވެ.
ރާއްޖެ އޮންނަ ސަރަހައްދުގެ ގޮތުން އިހަވަންދިއްޕޮޅު ކައިރިން ދުވާލަކު 300 އަށް ވުރެ ގިނަ އާގު ބޯޓު ދަތުރުކުރާ ކަމަށް ސަރުކާރުން ބުނެފައިވެ އެވެ.
