މި ޕްރޮގްރާމުގެ ދަށުން އެ ދެ ރަށުގެ ގޭގެއަށް ޒިޔާރަތްކޮށް، އެހީތެރިކަން ބޭނުންވާ ފަރާތްތައް ދެނެގަންނަމުން ދެއެވެ.
ޖެންޑާ މިނިސްޓްރީން ބުނީ މިއީ ރައީސް ޑރ. މުހައްމަދު މުއިއްޒުގެ ސަރުކާރުން އޯގާތެރި މުޖުތަމައެއް ބިނާކުރުމަށް ކުރިއަށްގެންދާ މަސައްކަތުގެ ތެރެއިން ހިންގާ ޕްރޮގްރާމެއް ކަމަށެވެ. މި ޕްރޮގްރާމުގެ ދަށުން ރާއްޖޭގެ ހުރިހާ ރަށެއްގެ ގޭބީސީތަކަށް ޒިޔާރަތްކުރުމަށް ވަނީ ރޭވިފައެވެ.
މިހާތަނަށް ރ. އަތޮޅުގެ އިނގުރައިދޫ، ކިނޮޅަސް އަދި ފައިނުގެ ހުރިހާ ގޭބީސީތަކަށް ޒިޔާރަތްކޮށް ނިމިފައިވާ ކަމަށް މިނިސްޓްރީން ބުނެއެވެ. އަދި އެ ރަށްރަށުން ފާހަގަކުރެވުނު ނާޒުކު ހާލަތުގައި ދިރިއުޅޭ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް ވެސް ވަނީ ފަށާފައެވެ.
މި ޕްރޮގްރާމުގެ ދަށުން އެހީތެރިކަން ހޯދަން ބޭނުންވާ ފަރާތްތަކަށް މިނިސްޓްރީގެ 1433 ނަންބަރަށް ގުޅައިގެން އެކަން ކުރެވޭނެ އެވެ. މިނިސްޓްރީން ބުނީ މި ޕްރޮގްރާމަށް ރައްޔިތުންގެ ފަރާތުން ލިބެމުންދާ އެއްބާރުލުމާއި މަރުހަބާ ވަރަށް ބޮޑު ކަމަށެވެ.
