ads
ރައްޔިތުންގެ މަޖިލިސް
ކުރީގެ 43 މަޖިލިސް މެމްބަރަކަށް މަހަކު 647،000 ރުފިޔާ ދޭ
ރައްޔިތުންގެ މަޖިލީހުގެ ކުރީގެ 43 މެމްބަރަކަށް މަހަކު 647،062 ރުފިޔާ އިނާޔަތުގެ ގޮތުގައި ދެމުން ގެންދާކަމަށް، ޕެންޝަން އޮފީހުން ބުނެފިއެވެ.
Advertisement

"މިހާރު" ނޫހުން މައުލޫމާތު ހޯދައި ލިބިގަތުމުގެ ހައްގުގެ ދަށުން ހޯދައި އާންމު ކުރި މައުލޫމާތުގައި ބުނެފައިވަނީ، މަޖިލީހުގެ މެމްބަރުންނަށް އިނާޔަތް ދޭން ފެށީ 2014 ވަނަ އަހަރުގެ ޖޫން މަހުގެ ތެރޭގައެވެ. އޭރު އިނާޔަތް ދިނީ ހަތަރު މެމްބަރަކަށެވެ. ނަމަވެސް މިހާރު އެ އަދަދު ވަނީ 43 މެމްބަރަށް އިތުރުވެފައެވެ. މިދިޔަ އަހަރުގެ ޖެނުއަރީން ފެށިގެން މިދިޔަ މަހުގެ ނިޔަލަށް 6.4 މިލިއަން ރުފިޔާ ވަނީ އިނާޔަތުގެ ގޮތުގައި ހަރަދުކޮށްފައެވެ.

މަޖިލީހުގެ އިމްތިޔާޒްތަކާއި ބާރުތަކުގެ ގާނޫނުގެ ދަށުން، އެއް ދައުރު ފުރިހަމަކުރި މެމްބަރަކަށް މަހަކު 12،750 ރުފިޔާ ލިބެއެވެ. އަދި ދެ ދައުރަށް ވުރެ ގިނަ ދުވަހު މަޖިލީހުގައި ހިދުމަތްކުރި މެމްބަރުންނަށް މަހަކު 19،125 ރުފިޔާ ލިބެއެވެ. މި އިނާޔަތް ލިބެނީ މެމްބަރުކަމުން ވަކިވުމަށްފަހު އުމުރުން 55 އަހަރު ފުރުމުންނެވެ.

ޕެންޝަން އޮފީހުގެ ހިސާބުތަކުން ދައްކާ ގޮތުގައި، މިހާތަނަށް ކުރީގެ މެމްބަރުންނަށް އިނާޔަތުގެ ގޮތުގައި ޖުމުލަ 33.8 މިލިއަން ރުފިޔާ ވަނީ ހަރަދުކޮށްފައެވެ. އަދި މި އަދަދު އަހަރުން އަހަރަށް އިތުރުވަމުން އަންނަ ކަމަށް އެ އޮފީހުން ބުނެއެވެ.

  • ކުރީގެ 43 މެމްބަރަކަށް މަހަކު 647،062 ރުފިޔާ އިނާޔަތުގެ ގޮތުގައި ދޭ
  • 2014 އިން ފެށިގެން މިހާތަނަށް 33.8 މިލިއަން ރުފިޔާ ހަރަދުކޮށްފައިވޭ
  • މި އަހަރު އެކަނި 6.4 މިލިއަން ރުފިޔާ ހަރަދުވާނެ
  • އެއް ދައުރަށް 12،750 ރުފިޔާ، ދެ ދައުރަށް 19،125 ރުފިޔާ ލިބޭ
  • އިނާޔަތް ލިބެނީ 55 އަހަރު ފުރުމުން
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް