ގާފަރު ރައްޔިތުންނާ ރައީސް މުއިއްޒު ބައްދަލުކުރެއްވުން
އެއްވެސް މުއައްސަސާއަކުން ކޮރަޕްޝަނަށް ފުރުސަތު ނުދޭނަން: ރައީސް މުއިއްޒު
ގުފްތަގް އަޖީރު
22 ޑިސެމްބަރ 2024 - 23:02:35
ސަރުކާރުގެ އެއްވެސް މުއައްސަސާއަކުން ކޮރަޕްޝަނަށް ފުރުސަތު ނުދޭނެ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.
Advertisement
އެޗްޑީސީގެ ގޯތީގެ މައްސަލައާ ގުޅިގެން ނޫސްވެރިން ކުރި ސުވާލުތަކަށް ޖަވާބު ދެއްވަމުން ރައީސް މުއިއްޒު ވިދާޅުވީ އެއްވެސް މިނިސްޓްރީއެއް، އޮފީހެއް އަދި ކުންފުންޏެއްގައި ވެސް ކޮރަޕްޝަނަށް ޖާގަ ނުދޭނެ ކަމަށެވެ.
އެޗްޑީސީގެ އާ އެމްޑީއަކަށް މައުރޫފް ޖަމީލް އައްޔަންކޮށް، އެ ކުންފުނީގެ ބައެއް މުވައްޒަފުން ވަޒީފާއިން ވަކިކޮށްފައިވާ ކަމަށް ރައީސް މުއިއްޒު ވިދާޅުވި އެވެ. އަދި މައުރޫފަކީ އިންޓަގްރިޓީ ހުރި، އިތުބާރު ކުރެވޭ ބޭފުޅެއް ކަމަށް ވެސް ވިދާޅުވި އެވެ.
"އަޅުގަނޑު ބޭނުމެއް ނޫން އެއްވެސް މުއައްސަސާއަކުން ކޮރަޕްޝަނަށް ފުރުސަތު ލިބޭކަށް. އަދި އެފަދަ ކަންތައްތަކެއް ކުރާ ފަރާތްތަކަށް ވެސް ޖާގަ އޮންނާކަށް،" ރައީސް މުއިއްޒު ވިދާޅުވި އެވެ.
އެޗްޑީސީގެ ގޯތީގެ މައްސަލަ ފުލުހުން ތަހުގީގު ކުރަމުންދާ ކަމަށާއި، އެ މައްސަލައިގެ ހަގީގަތް ހާމަވެގެންދާނެ ކަމުގެ އުއްމީދު އޮތް ކަމަށް ރައީސް މުއިއްޒު ވިދާޅުވި އެވެ. އަދި ހިޔާނާތުގެ އަމަލެއް ހިންގާފައިވާނަމަ އެކަމުގައި ބައިވެރިވި އެންމެންނަށް ފިޔަވަޅު އަޅާނެ ކަމަށް ވެސް ވިދާޅުވި އެވެ.
- އެއްވެސް މުއައްސަސާއަކުން ކޮރަޕްޝަނަށް ފުރުސަތު ނުދޭނެ ކަމަށް ރައީސް މުއިއްޒު ވިދާޅުވި
- އެޗްޑީސީގެ އާ އެމްޑީއަކަށް މައުރޫފް ޖަމީލް އައްޔަންކުރި
- އެޗްޑީސީގެ ބައެއް މުވައްޒަފުން ވަޒީފާއިން ވަކިކުރި
- ގޯތީގެ މައްސަލަ ފުލުހުން ތަހުގީގު ކުރަމުންދޭ
- ހިޔާނާތުގެ އަމަލު ހިންގި ފަރާތްތަކަށް ފިޔަވަޅު އަޅާނެ
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
