އެ މަސްތުވާތަކެއްޗާ ހަވާލުވާން އެއާޕޯޓަށް ދިޔަ ދިވެހި މީހަކުވެސް ހައްޔަރުކޮށްފި އެވެ.
ފުލުހުން ބުނީ ހައްޔަރުކުރި ބްރެޒިލްގެ މީހާއަކީ އުމުރުން 44 އަހަރުގެ ފިރިހެނެއް ކަމަށެވެ. އޭނާގެ ހަށިގަނޑުން ފެނުނު މަސްތުވާތަކެތީގެ ވަގުތީ ބަރުދަނަކީ އެއް ކިލޯ އަށް ވުރެ މަތީ އަދަދެއް ކަމަށް ކްރިމިނަލް ކޯޓުގެ ބަންދު އަމުރުގައި ވެއެވެ.
މަސްތުވާތަކެއްޗާ ހަވާލުވާން އެއާޕޯޓަށް ދިޔަ މީހާއަކީ 39 އަހަރުގެ ދިވެހި ފިރިހެނެކެވެ. ދެ މީހުންގެ މައްޗަށް ވެސް ތުހުމަތު ކުރެވެނީ ރާއްޖެ އަށް މަސްތުވާތަކެތި އެތެރެކޮށް، ބޭނުންކޮށް، ގެންގުޅެ، ވިޔަފާރި ކުރުމުގެ ކުށުގެ ތުހުމަތުގައެވެ.
ދެ މީހުން ވެސް ބުނެފައިވަނީ މައްސަލަ ކުރިއަށް ގެންދަން ބޭނުންވަނީ ވަކީލެއްގެ އެހީގައި ކަމަށެވެ. އެހެންކަމުން ކްރިމިނަލް ކޯޓުން ދެ މީހުންގެ ބަންދަށް ދީފައިވަނީ ފަސް ދުވަހެވެ. މި މައްސަލައަކީ ޖިނާއީ އިޖުރާއަތުގެ ގާނޫނުގެ ދަށުން ބޮޑު ކުށެއްގެ ގޮތުގައި ކަނޑައަޅާފައިވާ މައްސަލައެކެވެ.
- މަސްތުވާތަކެތީގެ ބަރުދަން އެއް ކިލޯ އަށް ވުރެ ގިނަ
- މަސްތުވާތަކެއްޗާ ހަވާލުވާން ދިޔަ 39 އަހަރުގެ ދިވެހި މީހަކުވެސް ހައްޔަރުކުރި
- ދެ މީހުންވެސް ފަސް ދުވަހުގެ މުއްދަތަށް ބަންދުކުރި
- މައްސަލައަކީ ޖިނާއީ އިޖުރާއަތުގެ ގާނޫނުގެ ދަށުން ބޮޑު ކުށެއް
