މިހާތަނަށް ރާއްޖެއަށް 1،978،252 ޓޫރިސްޓުން ޒިޔާރަތްކޮށްފައިވާ ކަމަށް މިނިސްޓަރު ފައިސަލް ވިދާޅުވި އެވެ. އަދި ސީޒަން ތެރޭގައި ވުމާއެކު، ބައެއް ދުވަސްތަކުގައި 8،000 ޓޫރިސްޓުން ރާއްޖެއަށް އަންނާނެ ކަމަށް ލަފާކުރެވޭ ކަމަށް ވެސް އެ މިނިސްޓަރު ވިދާޅުވި އެވެ.
ރައީސް ޑރ. މުހައްމަދު މުއިއްޒުގެ އިރުޝާދާއި ލަފާގެ ދަށުން ޓޫރިޒަމް މިނިސްޓްރީ އާއި ޓޫރިޒަމް ދާއިރާގައި މަސައްކަތްކުރާ ފަރާތްތަކުން ގުޅިގެން ކުރި މަސައްކަތުގެ ނަތީޖާއެއްގެ ގޮތުން މި އަހަރުގެ އަމާޒަށް ވާސިލުވެވޭނެ ކަމަށް މިނިސްޓަރު ފައިސަލް ވިދާޅުވި އެވެ.
އަންނަ އަހަރަށް ސަރުކާރުން ލަފާކުރާ ބަޖެޓުގައި 2.2 މިލިއަން ޓޫރިސްޓުން ރާއްޖެއަށް އަންނާނެ ކަމަށް ލަފާކޮށްފައިވެ އެވެ. އަދި އަންނަ އަހަރު ހުޅުވުމަށް ހަމަޖެހިފައިވާ ވެލާނާ އިންޓަނޭޝަނަލް އެއަރޕޯޓުގެ އާ ޓާމިނަލްގެ ސަބަބުން އެއަރޕޯޓުގެ ކެޕޭސިޓީ އަހަރަކު 1.5 މިލިއަނުން ހަތް މިލިއަނަށް އިތުރުވާނެ އެވެ.
- މިހާތަނަށް 1،978،252 ޓޫރިސްޓުން ރާއްޖެއަށް ޒިޔާރަތްކޮށްފި
- ސީޒަން ތެރޭގައި ދުވާލަކު 8،000 ޓޫރިސްޓުން އަންނާނެ ކަމަށް ލަފާކުރޭ
- އަންނަ އަހަރު 2.2 މިލިއަން ޓޫރިސްޓުން ގެނައުމަށް އަމާޒު
- އާ ޓާމިނަލްގެ ސަބަބުން އެއަރޕޯޓުގެ ކެޕޭސިޓީ 7 މިލިއަނަށް އިތުރުވާނެ
