ކިއާރާ އަދްވާނީ
ކުޑަކުއްޖަކަށް ޖިންސީ ގޯނާކުރި މީހަކަށް ކިއާރާގެ ތައުރީފް
އިމާދު އަލީ
25 ޑިސެމްބަރ 2024 - 14:42:10
އިންޑިއާގެ މަޝްހޫރު ތަރި ކިއާރާ އަދްވާނީ، ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައިވާ ކޮރިއޯގްރާފަރު ޖަނީ މާސްޓަރަށް ތާއީދުކޮށް އިންސްޓަގްރާމްގައި ޕޯސްޓެއް ކުރުމުން އާންމުންގެ ފާޑުކިޔުންތަކާ ކުރިމަތިލާންޖެހިއްޖެއެވެ.
Advertisement
"ގޭމް ޗޭންޖާ" ފިލްމުގެ ޑާންސް ޕްރެކްޓިސް ވީޑިއޯއެއް ހިމެނޭ މި ޕޯސްޓުގައި ކިއާރާ އަދްވާނީ ވަނީ ޖަނީ މާސްޓަރަށް ހާއްސަ ޝުކުރެއް އަދާކޮށްފައެވެ. ނަމަވެސް އާންމުންގެ ފާޑުކިޔުންތަކާ ގުޅިގެން މިހާރު ވަނީ އެ ބައި ޕޯސްޓުން އުނިކޮށްފައެވެ.
ޖަނީ މާސްޓަރަކީ މިދިޔަ ސެޕްޓެމްބަރ މަހު އޭނާގެ އެހީތެރިއަކު ކުޑައިރު ޖިންސީ ގޯނާކުރި ކަމުގެ ތުހުމަތުގައި ހައްޔަރުކުރެވުނު މީހެކެވެ. އޭނާ ވަނީ އެއް މަސް ދުވަހަށް ވުރެ ގިނަ ދުވަހު ބަންދުގައި ހުރުމަށްފަހު އޮކްޓޯބަރު މަހު ދޫކޮށްލާފައެވެ.
ސޯޝަލް މީޑިއާގައި ގިނަ ބަޔަކު ވަނީ ކިއާރާ އަދްވާނީގެ މި ހަރަކާތް ކުށްވެރިކޮށް، އަންހެނަކަށްވެ ހުރެ މިފަދަ ކަމެއް ކުރުމާމެދު ހިތާމަކޮށްފައެވެ. ރެޑިޓްގައި ވެސް ގިނަ ބަޔަކު ވަނީ ބޮލިވުޑްގެ މަޝްހޫރު ތަރިން މިފަދަ ކަންކަމުގައި އަމަލުކުރާ ގޮތާމެދު ކަންބޮޑުވުން ފާޅުކޮށްފައެވެ.
- ޖަނީ މާސްޓަރަކީ ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައިވާ މީހެއް
- އާންމުންގެ ފާޑުކިޔުންތަކާ ގުޅިގެން ކިއާރާ ވަނީ ޕޯސްޓް އެޑިޓްކޮށްފަ
- ޖަނީ މާސްޓަރ ވަނީ އެއް މަސް ދުވަހަށްވުރެ ގިނަ ދުވަހު ބަންދުގައި ހުރުމަށްފަހު ދޫކޮށްލާފަ
- ސޯޝަލް މީޑިއާގައި ގިނަ ބަޔަކު ވަނީ ކިއާރާގެ މި ހަރަކާތް ކުށްވެރިކޮށްފައި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
