އެއާޕޯޓުގަިއ ހިންގި ހަަމަނުޖެހުން ފޮޓޯ: އެމްވީ ކްރައިސިސް
އެއާޕޯޓުގައި މިއަދު ހިންގި ހަމަނުޖެހުމުގައި އެކަކު ހައްޔަރުކޮށްފި
އައިޝަތު ރަޝާ
25 ޑިސެމްބަރ 2024 - 19:40:50
ވެލާނާ އިންޓަނޭޝަނަލް އެއާޕޯޓުގައި މިއަދު ހިންގި ހަމަނުޖެހުމުގައި އެކަކު ހައްޔަރުކޮށްފިއެވެ.
Advertisement
އެއާޕޯޓްގައި ހަމަނުޖެހުމެއް ހިނގާގެން އުޅޭކަން ފުލުހުންނަށް ރިޕޯޓްކޮށްފައިވަނީ މިއަދު 15:15 ހާއިރު ކަމަށް އެފަރާތުން ބުނެއެވެ
ސޯޝަލް މީޑިއާގައި ދައުރުވަމުން ދާ ވީޑިއޯތަކުގައި 2 މީހަކު ތަޅާފޮޅާތަން ފެނެއެވެ. އަދި އެ 2 މީހުން ހުއްޓުވުމަށް އެހެންމީހަކު މަސައްކަތްކުރާއިރު އެތާންގައި އެއާޕޯޓް ސެކިއުރިޓީ އަދި ފުލުހެއް ހަރަކާތެރިވާތަން ފެނެއެވެ.
ފުލުހުން ބުނީ އެ ހަަމަނުޖެހުން ހިނގާފައިވަނީ ވޯކް ވިސާގައި ރާއްޖޭގައި އުޅޭ ސްރީލަންކާ ބައެއްގެ މެދުގައި، އެއާޕޯޓުގެ ޓެކްސީ ޑްރޮޕް އޮފް ޕޮއިންޓްގައި ކަަމަށެވެ.
މިމައްސަލައާ ގުޅިގެން އެތަނުން އެކަކު ފުލުހުންގެ ބެލުމުގެ ދަށަށް ގެނެސްފައިވާކަން އެ ފަރާތުން ބުނެއެވެ.
މި މައްސަަލަ ތަހުގީގުކުރަމުންދާކަން ފުލުހުން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
