Tax boduvumaa gulhigen Raajjeyge tourism ah kuraane asaru dhiraasaa kuranee

ހަބަރު / ޓޫރިޒަމް މިނިސްޓްރީ

ރާއްޖެއަށް އަށް 2 މިލިއަން ވަނަ ފަތުރުވެރިއާގެ އާއިލާ

ޓެކްސް ބޮޑުވުމާ ގުޅިގެން ރާއްޖޭގެ ޓޫރިޒަމަށް ކުރާނެ އަސަރު ދިރާސާ ކުރަނީ

ގުފްތަގް އަޖީރު

26 ޑިސެމްބަރ 2024 - 16:29:49

ޓޫރިޒަމް ދާއިރާއަށް ގެނެވުނު އާ ބަދަލުތަކާއި އެއަރޕޯޓު ފީތައް ބޮޑުވުމާ ގުޅިގެން ރާއްޖޭގެ ޓޫރިޒަމަށް ކުރާނެ އަސަރު ދެނެގަތުމުގެ މަސައްކަތް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) އިން ކުރަމުންދާ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެ އެވެ.

ޑިސެމްބަރު 1 އިން ފެށިގެން އެއަރޕޯޓު ޑިވެލޮޕްމަންޓް ފީ އާއި ޑިޕާޗާ ޓެކްސް ބޮޑުކޮށްފައިވާއިރު، މިކަމުގެ ސަބަބުން ރާއްޖެ އަންނަ ޓޫރިސްޓުންގެ އަދަދަށް އަންނާނެ ބަދަލުތައް ދެނެގަނެ، އޭގެ ހައްލު ހޯދުމަށް އެމްއެމްޕީއާރްސީން މަސައްކަތް ކުރަމުންދާ ކަމަށް މިނިސްޓަރު ފައިސަލް ވިދާޅުވި އެވެ.

your image ޓޫރިޒަމް މިނިސްޓަރު ފައިސަލް

"އަންނަ އަހަރުގެ މާކެޓިން ޕްލޭން އެކުލަވާލުމުގައި ވެސް މި ކަންކަމަށް ސަމާލުކަން ދޭނެ،" ކަމަށް މިނިސްޓަރު ވިދާޅުވި އެވެ.

ޓެކްސްތައް ބޮޑުކުރުމާ ގުޅިގެން ރާއްޖެ އަންނަން ބޭނުންވާ ޓޫރިސްޓުންނަށް ކުރަންޖެހޭ ހަރަދުތައް ބޮޑުވެގެންދާނެ ކަމުގެ ހަބަރުތައް ސީއެންއެން އާއި ޓީޓީޖީ އޭޝިއާ ފަދަ ބައިނަލްއަގުވާމީ މީޑިއާތަކުގައި ޝާއިއުކޮށްފައިވެ އެވެ. އަދި މިކަމުގެ ސަބަބުން ޓޫރިޒަމް ސިނާއަތަށް ނޭދެވޭ އަސަރުތަކެއް ކުރާނެ ކަމުގެ ކަންބޮޑުވުން ފާޅުކޮށްފައިވެ އެވެ.