އެނުޕަމް މަންމޯހަން ގެ ރޯލުގައި
އެންމެ އުނދަގޫވީ މަންމޯހަންގެ ރޯލު ކުޅެން: އެނުޕަމް
އިމާދު އަލީ
27 ޑިސެމްބަރ 2024 - 13:18:19
އިންޑިއާގެ މަޝްހޫރު އެކްޓަރު އެނުޕަމް ކެރު ވަނީ އޭނާގެ ކެރިއަރުގައި އެންމެ އުނދަގޫ އެއް ރޯލަކީ "ދަ އެކްސިޑެންޓަލް ޕްރައިމް މިނިސްޓަރު" ފިލްމުގައި ކުޅުނު މަންމޯހަން ސިންގުގެ ދައުރު ކަމަށް ބުނެފިއެވެ.
Advertisement
އެނުޕަމް ކެރު ފުރަތަމަ މި ރޯލު ކުޅުމަށް ދެކޮޅު ހެދި ސަބަބަކީ އޭނާ ކުރިން މަންމޯހަންއާ ދެކޮޅަށް ދައްކާފައިވާ ވާހަކަތަކާއި، މި ރޯލު ކުޅުމުން ލިބިދާނެ ފާޑުކިޔުންތަކަށް ކަމަށް އޭނާ ވަނީ ހާމަކޮށްފައެވެ. ނަމަވެސް ރާޖިޔާ ސަބާގައި މަންމޯހަން ސިންގު ދެއްކެވި ވާހަކަފުޅަކުން އެނުޕަމް ކެރުގެ ވިސްނުން ބަދަލުވިއެވެ.
އެނުޕަމް އަމިއްލަ ބަޔޯގުރަފީ ފޮތުގައި ލިޔެފައިވާ ގޮތުން، މަންމޯހަން ސިންގުގެ ކެރެކްޓަރަކީ މާ ބޮޑަށް އިހުސާސްތައް ފާޅުނުކުރާ، ހިނިތުންވުމާއި ރުޅިވެރިކަން ވެސް މަދުން ދައްކާ ބޭފުޅެއް ކަމަށްވުމުން، މި ދައުރު ކުޅުމަށް ވަރަށް ގިނަ ދިރާސާތަކެއް ކުރަން ޖެހުނެވެ.
ސިއްހީ ހާލުކޮޅު ގޯސްވެގެން، ދިއްލީގެ ހޮސްޕިޓަލެއްގައި އެޑްމިޓްކޮށް ފަރުވާ ދެމުން ދަނިކޮށް މަންމޯހަން އަވަހާރަވީ ބުރާސްފަތި ދުވަހު އެވެ. އަވަހާރަވީއިރު އުމުރުން 92 އަހަރެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
