އޭނާގެ ހަތް ދުވަހުގެ ބަންދުގެ މުއްދަތު ހަމަވާތީ އިއްޔެ ކޯޓަށް ހާޒިރުކުރުމުން ފުލުހުން ވަނީ ފޭރުމުގެ މައްސަލާގެ ހެކީގެ ގޮތުގައި ފުލުހުންގެ ބަޔާނާއި ސީސީޓީވީ ވީޑިއޯގެ ސްނެޕްޝޮޓެއް ހުށަހަޅައިފަ އެވެ.
އޭނާ ވަނީ އަންހެން މީހާގެ ކަރުގައި އޮތް ރަން ފަށް ފޭރުނު ކަމަށް އިއްޔެ ކޯޓުގައި އެއްބަސްވެފަ އެވެ. އެހެން ނަމަވެސް، އޭނާގެ އަތުގައި އެ ފަށް ނެތް ކަމަށާއި މައްސަލާގައި ގެއްލުން ލިބުނު މީހާއަށް ބަދަލު ދޭނެ ކަމަށް ވެސް އޭނާ ބުނެފައިވެ އެވެ.
ސައިކަލްގައި ދިޔަ އަންހެނެއްގެ ކަރުގައި އޮތް ފަށް ޖަހައިގަތް މައްސަލާގައި ހައްޔަރުކުރި މީހާ.
ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުން ހެލްމެޓު އަޅައިގެން ހުރެ ފަށް ޖަހައިގަންނަން އުޅުނީ އަންހެން މީހާ ދުއްވާފައި ދިޔަ ސައިކަލުގެ ފަހަތުން އެހެން ސައިކަލެއްގައި އައިސް އަންހެން މީހާއާ އަރާހަމަކުރުމަށްފަހު އެވެ.
އަދި ފަށް ޖަހައިގަތުމަށްފަހު އަންހެން މީހާގެ ދަބަސް ވެސް ޖަހައިގަންނަން އެ މީހާ މަސައްކަތް ކުރި ނަމަވެސް، އަންހެން މީހާގެ ހުށިޔާރުކަމުން އެކަން ކާމިޔާބު ކުރެވޭ ގޮތް ނުވި އެވެ.
މި މައްސަލައާ ގުޅިގެން އޭނާގެ ބަންދުގެ މުއްދަތަށް އިތުރު 15 ދުވަސް ވަނީ އިއްޔެ ކްރިމިނަލް ކޯޓުން ޖަހައިދީފަ އެވެ.
ހަސަން އިސާމްއަކީ ގިނަ އަދަދެއްގެ ކުށުގެ ރެކޯޑް އޮތް މީހެއްކަން ބަންދު އަމުރުގައި ފާހަގަކޮށްފައިވެ އެވެ.
