ބްރިޖުގެ ހައިވޭގައި ހަތަރު ކާރު ޖެހި ހިނގި އެކްސިޑެންޓެއް - ފައިލް ފޮޓޯ
ހައިވޭގައި ތިން ސައިކަލު ޖެހި ރޭ އެކްސިޑެންޓެއް ހިނގައިފި
އަލީ މިދުހަތު
30 ޑިސެމްބަރ 2024 - 11:22:52
ބްރިޖް ހައިވޭގައި ރޭ ތިން ސައިކަލު ޖެހި އެކްސިޑެންޓެއް ހިނގައިފި އެވެ.
Advertisement
ފުލުހުން ބުނީ މާލެ އިން ހުޅުމާލެއަށް ދަތުރުކުރާ ފަޅީގައި ތިން ސައިކަލު ޖެހި ހިނގި އެކްސިޑެންޓްގެ މައްސަލަ ރިޕޯޓްކޮށްފައިވަނީ ރޭ 12:11 ހާއިރު އެވެ.
މި އެކްސިޑެންޓް ހިނގަން މެދުވެރިވެފައި ވަނީ ސައިކަލެއް އޯވަޓޭކް ކުރަން އުޅުމުގެ ތެރޭގައި ދެ ސައިކަލު ޖެހި އެކްސިޑެންޓް ވެގެންނެވެ. ތިން ވަނަ ސައިކަލަކީ ފަހަތުން އައި ސައިކަލެކެވެ. އެ ސައިކަލު ވެސް ކުރިމަތިން ޖެހުނު ދެ ސައިކަލުގައި ގޮސް ޖެހުނީ އެވެ.
މި އެކްސިޑެންޓްގައި ފަސް މީހަކަށް އެކިވަރުގެ އަނިޔާ ވަނީ ލިބިފަ އެވެ. ފުލުހުން ބުނީ މީގެ ތެރެއިން ހަތަރު މީހަކަށް ފަރުވާ ދިނުމަށްފަހު ރޭ ދޫކޮށްލާފައިވާ ކަމަށެވެ. އަނެއް މީހާ އަދިވެސް އޮތީ ޓްރީޓޮޕް ހޮސްޕިޓަލުގަ އެވެ.
މި އެކްސިޑެންޓްގައި ގަވާއިދާ ހިލާފަށް ދުއްވި ސައިކަލު ޓޯކޮށް، ފުލުހުން އަންނަނީ މައްސަލަ ތަހުގީގު ކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
