އެފްއޭއެމްގެ ޖެނެރަލް ސެކެއްޓްރީކަންވެސް ކުރައްވާފައިވާ ހާމިދު، ރާއްޖޭގެ ފުޓްބޯޅައިގެ ހާލަތާ މެދު ސިލްސިލާކޮށް ލިޔުއްވާ ރިޕޯޓްތަކުގެ ތެރެއިން އެންމެ ފަހުން ލިޔުއްވި ރިޕޯޓުގައި ވިދާޅުވީ ފުޓުބޯޅަ ލާމަރުކަޒު ކުރުމުގެ ސިޔާސަތަކީ އެފްއޭއެމްގެ ސްޓެޓިއުޓްސް (އަސާސީ ގަވާއިދު) ގެ 10 އާއި 18 ވަނަ މާއްދާއއާއި 22 ވަނަ މާއްދާއިން ކަށަވަރުކޮށްދީފައިވާ ސިޔާސަތަކަށް ވީނަމަވެސް، ވެއަތުވެދިޔަ އަހަރުތަކުގައި މިސިޔާސަތަށް އަމަލު ކޮށްފައެއް ނުވާ ކަމަށެވެ. އަދި އެފްއޭއެމް އޮތީ ލާމަރުކަޒުކުރުމާ ދުރު ޖަމާއަތެއްގެ ގޮތުގައި ކަމަށް ހާމިދު ވިދާޅުވި އެވެ.
ހާމިދު ވިދާޅުވީ އެފްއޭއެމުން ލާމަރުކަޒުކުރުމުގެ ސިޔާސަތު ބަލައި ނުގެންނަމަވެސް، ރާއްޖެ މިވަނީ ގާނޫނުއަސާސީގެދަށުން ލާމަރުކަޒުކޮށްފައި ކަމަށެވެ.
ރީޖަނަލް އެސޯސިއޭޝަންތަކަށް އެފްއޭއެމް ލާމަރުކަޒުކޮށްފައި އޮތީ 1986 ން މިއަދާ ހަމައަށް ދެމިގެންގޮސްފައިވާ ފުޓުބޯޅަ ލާމަރުކަޒުކުރުމުގެ ތާރީހީ ސިޔާސަތެއްގެ ދަށުންކަން ފާހަގަ ކުރައްވައި އަދި އެފްއޭއެމްގެ ސްޓެޓިއުޓްސްއާ ހަވާލާ ދެއްވާ ހާމިދު ވިދާޅުވީ މި ސިޔާސަތަކީ ފީފާއިން ބަލައިގަންނަ ސިޔާސަކަށް ވެ، ރާއްޖޭގައި އެއިރުވެސް އޮތް ނުވަ ޒޯން މިހާރު އެވަނީ 10 ވަނަ މާއްދާގެ "ސީ" ގައި ބަޔާންކޮށް، 22 ވަނަ މާއްދާގެ "ސީ" އިން ވޯޓް ލުމުގެ ހައްގުވެސް ދީފައި ކަމަށެވެ.
18 ވަނަ މާއްދާއިން ރީޖަނަލް އެސޯސިއޭޝަންތަކުގެ ހައިސިއްޔަތާއި، ހައްގުތައް އެފްއޭއެމަށް "ސަބޯޑިނޭޓް" ކޮށް އުފަންކުރަން ހިންގާކޮމިޓީން އިސްނަގާފައެއި ނުވާކަން ހާމިދު ފާހަގަ ކުރެއްވި އެވެ. ހާމިދު ވިދާޅުވި ގޮތުގައި އެފްއޭއެމަކީ އެޖަމިއްޔާގެ އަސާސީ ގަވާއިދާ އެއްގޮތަށް އަމަލުކުރާ ޖަމާއަތެއް ނޫނެވެ.
ޖަމިއްޔާގެ އަސާސީ ގަވާއިދަށް އެސޯސިއޭޝަންގެ ވެރީން ތަބާވާން ދެކޮޅުހަދާކަން ފާހަގަ ކުރައްވައި ހާމިދު ވިދާޅުވީ އެކަމުގެ ނަތީޖާއަކަށްވީ ތިންވަނަ ފަހަރަށް، އެންމެފަހުން މިއަހަރު، އެފްއޭއެމް އަނެއްކާވެސް ނޯމަލައިޒޭޝަން ކޮމިޓީއެއްގެ ދަށަށް ފޮނުވަން ޖެހުން ކަމަށެވެ.
- އިތުރަށް ކިޔާލަން: ގޯލްޑް ކަޕްގެ ތަޖުރިބާ
