މެޓް އޮފީހުން ބުނީ މި ސަރަހައްދުތަކަށް ބޯކޮށް ވާރޭވެހި، ގުގުރުމާއެކު ވިލާގަނޑުގައި ގަޑިއަކު 40 މޭލުގެ ބާރުމިނުގައި ވައި ޖެހޭނެ ކަމަށެވެ. މި އެލާޓްގެ މުއްދަތު ހަމަވާނީ މިއަދު މެންދުރު 14:00 އަށެވެ.
މޫސުމުގެ ހާލަތާ ގުޅޭގޮތުން މެޓް އޮފީހުން އިތުރަށް ބުނީ މެދުރާއްޖެތެރެ އާއި އުތުރުގެ އެކި ސަރަހައްދުތަކަށް ވިއްސާރަވެ، ބައެއް ރަށްރަށަށް ބޯކޮށް ވާރޭވެހުން އެކަށީގެންވާ ކަމަށެވެ. ނަމަވެސް ދެކުނުގެ އަތޮޅުތަކުގެ މޫސުން އާންމު ގޮތެއްގައި ރަނގަޅުވާނެ ކަމަށް ލަފާކުރެއެވެ.
ދެކުނުގެ އަތޮޅުތަކަށް ހުޅަނގާއި ހުޅަނގު އުތުރުން، އަދި އެހެން ސަރަހައްދުތަކަށް އިރުއުތުރާއި އިރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓް އޮފީހުން ބުނެފައިވެއެވެ. އަދި ކަނޑުތައް އާންމު ގޮތެއްގައި މަޑު ނަމަވެސް، ވިލާގަނޑުގައި ވައި ގަދަވެދާނެ ކަމަށްވެސް އިންޒާރު ދީފައިވެއެވެ.
- ހއ. އިން ކ. އަތޮޅާ ހަމައަށް ވައިޓް އެލާޓް
- ގަޑިއަކު 40 މޭލުގެ ބާރުމިނުގައި ވައިޖެހޭނެ
- ބޯކޮށް ވާރޭވެހި ގުގުރާނެ
- އެލާޓްގެ މުއްދަތު މެންދުރު 14:00 އަށް ހަމަވާނެ
- ދެކުނުގެ މޫސުން ރަނގަޅުވާނެ
