ރާއްޖޭގެ ރެސްޓޯރަންޓް އަދި ކެފޭތަކުގެ ހިދުމަތުގެ އަގުތައް މިއަހަރުގެ ނޮވެމްބަރު މަހު 15.81 ޕަސަންޓަށް މައްޗަށް ގޮސްފައިވާ ކަމަށް ނޭޝަނަލް ބިއުރޯ އޮފް ސްޓެޓިސްޓިކްސް (އެންބީއެސް) އިން ހާމަކޮށްފި އެވެ.
Advertisement
އެންބީއެސްގެ ކޮންސިއުމާ ޕްރައިސް އިންޑެކްސް (ސީޕީއައި) ގެ ރިޕޯޓުން ދައްކާ ގޮތުގައި މިއީ މުދަލާއި ހިދުމަތުގެ އަގުތަކުގެ ތެރެއިން ސިނގިރޭޓުގެ ފަހުން އެންމެ ބޮޑު އިތުރުވުމެވެ. ސިނގިރޭޓުގެ އަގު ވަނީ 98.12 ޕަސަންޓަށް މައްޗަށް ގޮސްފަ އެވެ.
މުޅި ރާއްޖޭގެ މުދަލާއި ހިދުމަތުގެ އަގުތައް މިދިޔަ އަހަރުގެ ނޮވެމްބަރު މަހާ އަޅާބަލާއިރު 4.05 ޕަސަންޓް އުފުލިފައިވާއިރު، އޮކްޓޫބަރު މަހާ އަޅާބަލާއިރު 2.47 ޕަސަންޓް އިތުރުވެފައިވެ އެވެ.
- ރެސްޓޯރަންޓް އަދި ކެފޭ ހިދުމަތުގެ އަގު 15.81 ޕަސަންޓަށް މައްޗަށް
- މުޅި ރާއްޖޭގެ މުދަލާއި ހިދުމަތުގެ އަގު 4.05 ޕަސަންޓަށް މައްޗަށް
- ސިނގިރޭޓުގެ އަގު 98.12 ޕަސަންޓަށް މައްޗަށް
- އޮކްޓޫބަރާ އަޅާބަލާއިރު ނޮވެމްބަރުގައި އަގުތައް 2.47 ޕަސަންޓް އިތުރު
