ads
މަތީ ތައުލީމް: ފޮޓޯ ވިލާކޮލެޖް
ޒަކާތު ފަންޑުން މަތީ ތައުލީމަށް އެހީދޭ އާ އުސޫލެއް ތައާރަފްކޮށްފި
މަތީ ތައުލީމު ހާސިލުކުރުމަށް އިތުރު ފުރުސަތުތަކެއް ހޯދައިދިނުމުގެ ގޮތުން އިސްލާމިކް މިނިސްޓްރީން ޒަކާތު ފަންޑުގެ އެހީ ދިނުމުގެ އާ އުސޫލެއް މިއަދު ތައާރަފްކޮށްފި އެވެ.
Advertisement

އާ އުސޫލުގެ ދަށުން ޑިޕްލޮމާ އިން ފެށިގެން ޕީއެޗްޑީ އަށް ކިޔެވުމަށް އެހީ ލިބޭނެ އެވެ. ނަމަވެސް މި ފުރުސަތު ލިބޭނީ ހަމައެކަނި އިސްލާމީ ދާއިރާތަކުން ކިޔެވުމަށެވެ. އަދި އެހީއަށް އެދި ހުށަހެޅޭނީ އެކަމަށް އާންމުކޮށް ހުޅުވާލުމުން ކަމަށް އިސްލާމިކް މިނިސްޓްރީން ބުނެފައިވެ އެވެ.

މި އުސޫލުގެ ދަށުން ކިޔެވުމަށް ފުރުސަތު ލިބޭ ދަރިވަރުންނަށް ކިޔަވަން ދާ ގައުމަށް ދިއުމާއި އެނބުރި އައުމުގެ ޓިކެޓާއި، ކޯހުގެ ޓިއުޝަން ފީ އާއި، ވިސާ ފީގެ އިތުރުން ސްޓައިޕެންޑާއި ބުކިން އެލަވަންސް ލިބޭނެ އެވެ.

ޒަކާތު ސްކޮލަޝިޕަށް ކުރިމަތިލެވޭނީ މާލީ ފުދުންތެރިކަން ނެތް ފަރާތްތަކަށާއި، އަމިއްލައަށް ކިޔެވުމުގެ ހަރަދު ނުކުރެވޭ ފަރާތްތަކަށެވެ. އަދި މީގެ އިތުރުން ސަރުކާރުގެ އެހީގައި ކިޔެވުމުގެ ފުރުސަތު ލިބިފައިނުވާ ދަރިވަރުންނަށް ވެސް މި ފުރުސަތު ހުޅުވިފައިވެ އެވެ.

ދެ އަހަރުގެ މެދުކެނޑުމަކަށް ފަހު އަލުން ތައާރަފްކުރި މި އުސޫލުގައި، ކުރިން ނެތް އާ ކަންތައްތަކެއް ހިމަނާފައިވާ ކަމަށް އިސްލާމިކް މިނިސްޓްރީން ބުނެފައިވެ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް