ފާލަމުގެ މަސައްކަތް ކުރިއަށްދާ ގޮތާ ގުޅޭގޮތުން މީޑިއާތަކަށް މައުލޫމާތު ދެއްވަމުން މިނިސްޓަރު ވިދާޅުވީ، ފާލަން ބަންދުކޮށްފައި އޮތުމަކީ އެތަނަށް އަރާފައިބާ މީހުންނަށް ވެސް ދަތިވާ ކަމެއް ކަމަށާއި މާލޭގެ ރީތިކަން ގެއްލިގެންދާ ކަމެއް ކަމަށެވެ. އެހެންކަމުން މި މަސައްކަތް އަވަސްކުރުމަށް ސަރުކާރުން ބާރުއަޅަމުންދާ ކަމަށް މިނިސްޓަރު ފާހަގަކުރެއްވި އެވެ.
ރަސްމީ ފާލަން، އިއްޒުއްދީން ފާލަމަށް ގެންނަ ބަދަލު ފެންނަ ކުރެހުން
އެމްޓީސީސީން ބުނި ގޮތުގައި މިހާރު ވަނީ ފާލަމުގެ ސްޓީލް ސްޓްރަކްޗާގެ ފްރޭމްގެ މަސައްކަތް ނިމިފަ އެވެ. މި މަޝްރޫއުގެ ދަށުން ކުރަންޖެހޭ މަސައްކަތްތަކުގެ ތެރޭގައި ކުރީގެ ޖެޓީ ރޫޅާލުމާއި، އާ ޖެޓީގެ ކޮންކްރީޓް މަސައްކަތާއި، ސްޓީލް ސްޓްރަކްޗާ ފަރުމާކުރުމާއި، ލަކުޑި އަދި މަތިވަޑާމުގެ މަސައްކަތް ހިމެނެ އެވެ.
މިދިޔަ މޭ މަހު އެމްޓީސީސީއާ ހަވާލުކުރި މި މަޝްރޫއުގެ އަގަކީ 11.7 މިލިއަން ރުފިޔާ އެވެ. އަދި 270 ދުވަހުގެ ތެރޭގައި މަސައްކަތް ނިންމަން ޖެހެ އެވެ.
- ފާލަމުގެ ސްޓީލް ސްޓްރަކްޗަރގެ ފްރޭމްގެ މަސައްކަތް ވަނީ ނިމިފައި
- މަޝްރޫއުގެ އަގަކީ 11.7 މިލިއަން ރުފިޔާ
- މަސައްކަތް ނިންމަން ދީފައިވަނީ 270 ދުވަސް
- މަޝްރޫއު ކުރިއަށް ގެންދަނ އެމްޓީސީސީން
