މައުލޫމާތު ލިބިފައިވާ ގޮތުގައި ނިޝާން އިއްޒުއްދީނުގެ އިއްޒަތުގެ ވެރިޔާ އިބްރާހީމް ހުސައިން ޒަކީގެ އަނބިކަނބަލުން ގ. ހިލިހިލާގެ ހުސްނާ މޫސާ އަވަހާރަވީ އިއްޔެގެ ވަގުތެއްގަ އެވެ.
އަވަހާރަވިއިރު އުމުރުފުޅަކީ 78 އަހަރެވެ.
މަރުޙޫމާ ހުސްނާ މޫސާ ޖަނާޒާ ބޭއްވީ މިއަދުގެ ހުކުރު ނަމާދަށްފަހު އިސްލާމީ މަރުކަޒުގަ އެވެ.
ހުސްނާ މޫސާ އަވަހާރަވުމާގުޅިގެން ރައީސް ޑރ. މުހައްމަދު މުއިއްޒު ވަނީ ތައުޒިޔާ ވިދާޅުވެފަ އެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ޑރ. މުހައްމަދު މުއިއްޒު ވަނީ ނިޝާން އިއްޒުއްދީނުގެ އިއްޒަތުގެ ވެރިޔާ އިބްރާހީމް ޙުސައިން ޒަކީގެ އަނބިކަނބަލުން ހުސްނާ މޫސާ އަވަހާރަވުމުގެ ހިތާމައިގައި، މަރުޙޫމާގެ އާއިލާއަށް ތައުޒިޔާ ދަންނަވާފަ އެވެ.
އަދި މަރުޙޫމާ ޙުސްނާ މޫސާގެ ފުރާނަފުޅަށް ސުވަރުގޭގެ ދާއިމީ ނިއުމަތް މާތްﷲ މިންވަރުކޮށް ދެއްވުން އެދި ދުއާކުރައްވާފަ އެވެ.
ނިޝާން އިއްޒުއްދީނުގެ އިއްޒަތުގެ ވެރިޔާ، ޒަކީ އަކީ ކުރީގެ ރައީސް މައުމޫން އަބްދުލް ގައްޔޫމްގެ ވެރިކަމުގައި ޓޫރިޒަމް މިނިސްޓަރުކަން ކުރެއްވުމަށް އިތުރަށް މައުމޫންގެ ވެރިކަމުގައި 1992-1993 އަށް ސާކްގެ ސެކްރެޓަރީ ޖެނެރަލްގެ މަގާމު ވެސް އަދާކުރެއްވި ބޭފުޅެކެވެ.
