ދައުލަތުގެ މީޑިއާ ގައި ވާހަަކަ ދައްކަވަމުން މުބީން ވިދާޅުވީ މިހާރު އަޅަމުންދާ އެއާޕޯޓު މަޝްރޫއުތަކުގެ ތަކުގެ މަސައްކަތަށާއި އެއާޕޯޓްތަކުގައި ކުރަން ޖެހިފައި ހުރި މުހިއްމު ކަންކަމަށް ފައިނޭންސް ހޯދުމަށް މަސައްކަތް ކުރަމުން ދާކަމަށެވެ.
އަލަށް ހަދަން ހަަމަޖެހިފައިވާ އެއާޕޯޓުތަކުގެ ކޮންސެޕްޓްތައް ނިމިފައިވާކަމަަށް ފާހަގަކޮށް މުބީން ވަނީ އޭގެތެރެއިން ރައީސް ޑރ. މުހައްމަދު މުއިއްޒު އިއުލާންކުރެއްވި އއ.މަތިވެރި އެއާޕޯޓުގެ ކޮންސެޕްޓް ވެސް ހިމެނޭ ކަަމަށް ފާހަގކޮށްފައެވެ.
އަލަށް ތަރައްގީކުރާ އެއާޕޯޓްތަކުގެ ކޮންސެޕްޓް ނިމިފައިވާއިރު މަސައްކަތް ނުފެށި ހުރި ގިނަ އެއާޕޯޓުތަަކަށްވެސް އިންވެސްޓަރުން ހޯދާފައިވާކަމަށް މުބީން ވިދާޅުވިއެވެ. އެގޮތުން ނުފެށި ހުރި އެއާޕޯޓުތަކުގެ ލިޔެކިޔުންތައް މިހާރު ވަނީ އިކޮނޮމިކް ކައުްނސިލަށް ފޮނުވުމަށް ތައްޔާރުކޮށްފައި ކަަމަށް މުބީން ވިދާޅުވިއެވެ.
އެއާޕޯޓު އަޅާ ރަށްރަށުގެ ބިން ބޭނުންކޮށް، އެރަށުގެ ކައުންސިލްތަކާ މަޝްވަރާކޮށްގެން އާރްއޭސީއެލްއިން މަސައްކަތް ކުރަމުންދަނީ ވިޔަފާރީގެ ހަރަކާތައްވެސް ކުރިއަށް ގެންދެވޭނެ ގޮތްތަަކަށް އިންތިޒާމްތައް ހަމަޖެއްސޭތޯ ކަމަށް މުބީން ވިދާޅުވިއެވެ. އެގޮތުން އެކަމަށްޓަކައި މާސްޓާ ޕްލޭން އެކުލަވާލަން ނިންމާފައިވާ ކަަމަށްވެސް މުބީން ވިދާޅުވިއެވެ.
ރާއްޖޭގައި މިވަގުތު ހުރީ 19 އެއާޕޯޓެ ކެވެ. އެއީ 5 އިންޓަނޭޝަނަލް އެއާޕޯޓާއި 14 ޑޮމެސްޓިކް އެއާޕޯޓެވެ.
