ސަޕޯޓަރުން ނުހަނު ޝައުގުވެރިކަމާއެކު މިވާހަކަތައް ހުއްޓުމެއް ނެތި ދައްކަމުން ދިޔައީ ސޯޝަލްމީޑިއާގައި ދައުރުވި ފޮޓޮއަކާ ގުޅިގެންނެވެ. އެ ފޮޓޯ އިން ފެނިގެން ދަނީ ޝާރުކް ހާން އިހްރާމްގައި އަދި ގައުރީ ހާން ބުރުގާ އަޅާގެން ދެމަފިރިން، ގެފުޅު ކުރިމަތީ ރީތި ފޮޓޯއަކަށް ހުއްޓިގެން ހުންނަ މަންޒަރެވެ.
ޝާރުކްހާން އާއި ގައުރީ ހާންގެ އޭއައި ޖެނެރޭޓެޑް ފޮޓޯއެއް
އިންޑިއާގެ ބޮޑެތި މީޑިއާތަކުން ވަނީ މިއީ ދޮގު ހަބަރެއް ކަަމަށް ބުނެ އެ ފޮޓޯ އަކީ އާޓިފިޝަލް އިންޓެލިޖެންސް (އޭއައި) ޓެކްނޮލޮޖީގެ އެހީގައި އުފައްދާފައިވާ ފޮޓޯއެއް ކަމަށް ހާމަކޮށްފަ އެވެ.
ހަމަގައިމުވެސް ޝާހްރުކް ހާން އާއި ގައުރީ ހާން މިވަނީ އާޓިފިޝަލް އިންޓެލިޖެންސްގެ ޝިކާރައަކަށް ވެފަ އެވެ. އަދި އެ ދެމަފިރިންގެ ވައިރަލް ތަސްވީރުތަކުގައި އެއްވެސް ހަގީގަތެއް ނެތް ކަމަަށް މީޑިއާތަކުން މިހާރު ވަނީ ރިޕޯޓްކޮށްފަ އެވެ.
2005 ވަނަ އަހަރު ގައުރީ ހާން ވަނީ ކަރަން ޖޯހަރުގެ މަގުބޫލު ޝޯ "ކޮފީ ވިތް ކަރަންގެ" އެޕިސޯޑެއްގައި ޝާހްރުކް ހާން އާއި އާއި ބެހޭ ގޮތުން ވާހަކަ ދައްކާފަ އެވެ. އެގޮތުން ފިރިމީހާ ގާބުލް ކުރާ އިސްލާމްދީން އާ ގުޅޭ ގޮތުން ގައުރީ ވަނީ ހިޔާލުފާޅުކޮށްފަ އެވެ.
ހިންދޫ ދީން ގަބޫލުކުރާ ގައުރީ އެޝޯގައި ވާހަކަދައްކަމުން އިތުރަށް ބުނީ ދޮށީ ދަރިފުޅު އާރްޔާން ހާން އަކީ ބައްޕަ ޝާހްރުކް ކުރާ ކަންކަމަށް ވަރަށް ގަޔާވާ ކުއްޖެއް ކަމަށާއި ދަރިފުޅު އަމިއްލައަށްވެސް އޭނާއަކީ މުސްލިމެއް ކަަމަށް މީހުން ކައިރީ ބުނެ އުޅޭ ކަމަށެވެ.
ޝާރުކް އާއި ގައުރީ ކައިވެނި ކުރީ އޮކްޓޯބަރު 1991 ވަނަ އަހަރުގެ އޮކްޓޯބަރު 25 ގައެވެ. އެ ދެމަފިރިންގެ ހުންނަނީ 3 ދަރިންނެވެ. އެއީ އާރްޔާން ހާން ، ސުހާނާ ހާން އަދި އަބްރަމް ހާން އެވެ.
