ކުރިއަށް އޮތް 24 ގަޑިއިރުގެ ތެރޭގައިވެސް މުޅި ރާއްޖެއަށް ވިއްސާރަ ކުރާނެ ކަމަށް މެޓުން ލަފާކުރެވެއެވެ.
މެޓް އޮފީހުން ބުނި ގޮތުގައި މިހާރު ކުރަމުންދާ ވިއްސާރައަކީ އަރަބި ކަނޑުގައި އުފެދިފައިވާ ކޮޅިގަނޑެއްގެ އަސަރު ރާއްޖެއަށް ކުރަމުންދާތީ ކުރާ ވިއްސާރައެކެވެ. އަދި ބައެއް ސަރަހައްދުތަކަށް ގުގުރުމާއެކު ބޯކޮށް ވާރޭ ވެހޭނެ ކަމަށްވެސް ލަފާކުރެވެއެވެ.
މޫސުމާބެހޭ އިދާރާގެ ރިކޯޑުތަކުން ދައްކާ ގޮތުގައި މާލެއަށް 130 މިލިމީޓަރުގެ ވާރޭ ވެހިފައިވާއިރު، ހުޅުލެއަށް 79.5 މިލިމީޓަރު، އއ. ތޮއްޑޫއަށް 70 މިލިމީޓަރު އަދި ގދ. ކާޑެއްދޫއަށް 54.5 މިލިމީޓަރުގެ ވާރޭ ވެހިފައިވެއެވެ.
ވިއްސާރައާ ގުޅިގެން މާލޭގެ ގިނަ ސަރަހައްދުތަކެއްގައި ފެން ބޮޑުވެފައިވާތީ، އެމްއެންޑީއެފްއިން ދަނީ 8 ސަރަހައްދެއްގައި 19 ޕަމްޕް ބަހައްޓައިގެން ފެން ހިންދުމުގެ މަސައްކަތް ކުރަމުންނެވެ. މިގޮތުން މިހާތަނަށް 6،835 ޓަނުގެ ފެން ހިންދާފައިވާ ކަމަށް އެމްއެންޑީއެފްއިން ބުނެފައިވެއެވެ.
- މާލެއަށް 130 މިލިމީޓަރުގެ ވާރޭ ވެހުނު
- ކުރިއަށް އޮތް 24 ގަޑިއިރުވެސް ވިއްސާރަ ކުރާނެކަމަށް ލަފާކުރޭ
- އަރަބި ކަނޑުގެ ކޮޅިގަނޑެއްގެ އަސަރުން ވިއްސާރަ ކުރަމުންދާނެ
- މާލޭގެ 8 ސަރަހައްދަކުން 6،835 ޓަނުގެ ފެން ހިންދާފައިވޭ
- 58 ގެއަކަށް އެމްއެންޑީއެފްގެ އެހީތެރިކަން ފޯރުކޮށްދީފައިވޭ
