ބަހާމަސްގައި ރަޖިސްޓަރީ ކޮށްފައިވާ "ކްރިސްޓަލް ސިންފަނީ" އިން ރާއްޖެ އައި 216 ފަސިންޖަރުންނާއި 416 ކްރޫ މެންބަރުންނަށް ސީޕޯޓް ޑިވިޝަނުން ކްލިއަރެންސް ދިން ކަމަށް އިމިގްރޭޝަނުން އެކްސްގައި ކުރި ޕޯސްޓެއްގައި ބުންޏެވެ. މި ބޯޓު ރާއްޖެ އައީ ސިޝެލްސްއިން ކަމަށް އިމިގްރޭޝަނުން ބުންޏެވެ.
މާލެ ސަރަހައްދުގައި އިއްޔެ މަޑުކުރުމަށްފަހު، މިއަދު ހެނދުނު ކްރިސްޓަލް ސިންފަނީ ވަނީ ސްރީލަންކާއަށް ދިއުމަށް ފުރައިފަ އެވެ. މިދިޔަ މަހުގެ ފަހުކޮޅުގައި ވެސް ދެ ކްރޫޒްލައިނާއަކުން 4،658 މީހުން ރާއްޖެ އައިސްފައިވާ ކަމަށް އިމިގްރޭޝަނުން ބުންޏެވެ. އެއީ މާޝަލް އައިލެންޑްސްގެ "އޯޝޭނިއާ ރިވިއާ" އާއި ބަހާމަސްގެ "ނޯވިއަން ސްކައި" އެވެ.
