އެމްއެންޑީއެފް ފަޔާ އެންޑް ރެސްކިއު ސާވިސްއިން މިހާރު ވަނީ މާލޭގެ އަށް ސަރަހައްދެއްގައި 23 ޕަންޕު ބަހައްޓައިގެން މަސައްކަތް ކުރަމުންނެވެ. މީގެ ތެރޭގައި ވެސްޓްޕާކް ސަރަހައްދާއި، އައިޖީއެމްއެޗް ސަރަހައްދާއި، ވިލިމާލެ ފެރީ ޓާމިނަލް އަދި ސަލްމާން މިސްކިތް ސަރަހައްދު ހިމެނެއެވެ. މީގެ އިތުރުން ބޮޑުވަޅު، ދަރުބާރުގެ ސަރަހައްދު އަދި ހަވީރީ ހިނގުމާއި ސޯޝަލް ސެންޓަރު ސަރަހައްދުވެސް ހިމެނެއެވެ.
ދިފާއީ ބާރުތަކުން ބުނީ ފެންބޮޑުވުމާ ގުޅިގެން މިހާތަނަށް 59 ގެއަކަށް އެހީތެރިކަން ފޯރުކޮށްދީފައިވާ ކަމަށެވެ. އަދި މި މަސައްކަތް މެދުކެނޑުމެއްނެތި ކުރިއަށްދާ ކަމަށް އެމްއެންޑީއެފުން މައުލޫމާތު ދެއެވެ.
މޫސުން ގޯސްވެ ވިއްސާރަވުމާ ގުޅިގެން މުޅި ރާއްޖެއަށް ވެސް އަސަރުކުރަމުންދާއިރު، މިދިޔަ ހަފްތާ ބަންދުގައި ވެސް މާލެއަށް ރެކޯޑު އަދަދަކަށް ވާރޭ ވެހި، އަތޮޅުތެރޭގެ ރަށްތަކަށް ވެސް ވަނީ ބޮޑެތި ގެއްލުންތަކެއް ލިބިފައެވެ.
- މާލޭގެ މަގުތަކުން 13,882 ޓަނުގެ ފެން ހިންދި
- 8 ސަރަހައްދެއްގައި 23 ޕަންޕު ބަހައްޓައިގެން މަސައްކަތްކުރި
- 59 ގެއަކަށް އެހީތެރިކަން ފޯރުކޮށްދިން
- މުޅި ރާއްޖެއަށް ވިއްސާރައިގެ އަސަރުކުރަމުންދޭ
- މާލެއަށް ރެކޯޑު އަދަދަކަށް ވާރޭވެހި، އަތޮޅުތަކަށް ގެއްލުން ލިބިފައިވޭ
