ads
ރައީސް ޑރ.މުހައްމަދު މުއިއްޒު
ރާއްޖޭގެ ޑިޖިޓަލް ޓެކްނޮލޮޖީ އިތުރަށް ކުރިއަރުވަން އެސްޓޯނިއާގެ އެހީތެރިކަން ލިބޭނެ!
ރާއްޖޭގެ ޑިޖިޓަލް ޓެކްނޮލޮޖީ އިތުރަށް ކުރިއެރުވުމަށް އެސްޓޯނިއާގެ އެހީތެރިކަން ލިބޭނެކަމަށް ހޯމް މިނިސްޓްރީގެ ސްޓޭޓް މިނިސްޓަރު ޑރ. މުހައްމަދު ކިނާނަތު ވިދާޅުވެއްޖެއެވެ.
Advertisement

ރައީސުލްޖުމްހޫރިއްޔާ ޑރ. މުހައްމަދު މުއިއްޒު މި މަހުގެ 13 އިން 16 އަށް އެސްޓޯނިއާއަށް ކުރައްވާ ދަތުރުފުޅަކީ ދިވެހި ރައީސަކު އެ ގައުމަށް ކުރައްވާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ދެ ގައުމުގެ ދޭދޭ ގުޅުން އިތުރަށް ހަރުދަނާ ކުރެއްވުމާއި ޑިޖިޓަލް ދާއިރާ އާއި ސައިބަރ އަދި އީ-ގަވަނެންސް ދާއިރާއިން ގުޅުން ބަދަހިކުރުމަށް މަޝްވަރާ ކުރައްވާނެއެވެ.

އެސްޓޯނިއާއަކީ ޑިޖިޓަލް ޓެކްނޮލޮޖީގެ ދާއިރާއިން ދުނިޔޭގައި އެންމެ ކުރިއަރާފައިވާ ގައުމުތަކުގެ ތެރޭގައި ހިމެނޭ ގައުމެކެވެ. ގްލޯބަލް ސެކިއުރިޓީ އިންޑެކްސްގައި އެސްޓޯނިއާ އޮތީ 3 ވަނައިގައެވެ. އަދި ދުނިޔޭގެ އިކޮނޮމިކް ފޯރަމް މޯބައިލް ބްރޯޑްބޭންޑް ސަބްސްކްރިޕްޝަންގައި އެސްޓޯނިއާއަކީ ދުނިޔޭގެ 1 ވަނަ ގައުމެވެ.

ރައީސް މުއިއްޒުގެ ސަރުކާރުން ވަނީ 2030 ވަނަ އަހަރާ ހަމައަށް ރާއްޖޭގެ އުފެއްދުންތެރިކަމުގެ ނިސްބަތުގެ 30 ޕަސަންޓު ހިއްސާކުރަނީ ޑިޖިޓަލް އިގްތިސާދުން ކަމަށް ހެދުމަށް އަމާޒު ހިފާފައެވެ. އަދި 2040 ވަނަ އަހަރު އަންނައިރު ދިވެހިރާއްޖެއަކީ ތަރައްގީވެފައިވާ ގައުމަކަށް ހެދުމަށް ވަނީ ވައުދުވެފައެވެ

0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް