Saudi Hajj minister ge dhauvathakah islamic minister Saudi ah

ހަބަރު / އިސްލާމިކް މިނިސްޓްރީ

އިސްލާމިކް މިނިސްޓަރު ޝަހީމް

ސައުދީ ހައްޖު މިނިސްޓަރުގެ ދައުވަތަކަށް އިސްލާމިކް މިނިސްޓަރު ސައުދީއަށް

ގުފްތަގް އަޖީރު

12 ޖެނުއަރީ 2025 - 10:53:36

އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސައުދީ އަރަބިއްޔާއަށް ދަތުރުފުޅެއް ފައްޓަވައިފިއެވެ.

މި ދަތުރުފުޅަކީ ސައުދީ އަރަބިއްޔާގެ ހައްޖާއި އުމްރާއާ ބެހޭ މިނިސްޓަރު ޑރ. ތައުފީގު ރަބީއާގެ ދައުވަތަކަށް ކުރައްވާ ދަތުރުފުޅެކެވެ.

އިސްލާމިކް މިނިސްޓްރީން ބުނީ މި ދަތުރުފުޅުގައި ދެ ގައުމުގެ ދެމެދުގައި ކޮންމެ އަހަރަކު ސޮއިކުރާ ހައްޖު އެގްރީމެންޓްގައި ސޮއިކުރުން އޮންނާނެ ކަމަށެވެ. މީގެ އިތުރުން ސައުދީ ހައްޖު މިނިސްޓަރާއެކު މުހިންމު މަޝްވަރާތަކެއް ކުރިއަށް ގެންދަވާނެ ކަމަށްވެސް އެ މިނިސްޓްރީން ބުނެފައިވެއެވެ.

މިނިސްޓަރު ޝަހީމް މި ދަތުރުފުޅުގައި 1446 ވަނަ އަހަރުގެ ހައްޖު މައުރަޒުގައިވެސް ބައިވެރިވެވަޑައިގަންނަވާނެއެވެ. ދިވެހި ހައްޖާޖީންގެ އިންތިޒާމުތައް ރަނގަޅުކޮށް، ހަރުދަނާކުރުމަށް ސަރުކާރުން ގިނަ މަސައްކަތްތަކެއް ކުރަމުން ގެންދާއިރު، ރާއްޖެއަށް ލިބޭ ހައްޖު ކޯޓާ 2000 އަށް އިތުރުކުރުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ.