މި އޮފާތައް ކަސްޓަމަރުންނާއި ހަމައަށް ގެނެސްދީފައި ވަނީ ދިވެހިން ރޯދަމަހުގެ ތެރޭގައި ގެންގުޅޭ އާދަކާދަތަކާއި ގުޅުވައިދޭ ގޮތަށެވެ. މިގޮތުން ދީނީ ކަންކަމަށް ހިތްވަރު ދިނުމާއި ރޯދައަށް ތައްޔާރަށް ވުމަށް އެހީތެރިވުމުގެ ފުރުސަތުތައް ފަހިކޮށްދިނުމުމަކީ މި ހާއްސަ އޮފަރތަކުގެ ބޭނުމެވެ.
މިގޮތުން އެ ކުންފުނީގެ ފުރަތަމަ އޮފަރގެ ތެރޭގައި ހިމެނެނީ ހިލޭ އުމްރާ ދަތުރެކެވެ. މިދަތުރަށް ހޮވޭނީ ދިރާގުގެ "ލިމިޓެއްނެތް 30އެމް" ޕެކޭޖު އެކްޓިވޭޓުކުރާ، ނުވަތަ މި ޕެކޭޖަށް އަޕްގްރޭޑުކުރާ، ނުވަތަ ޕްރޮމޯޝަންގެ މުއްދަތުގެ ތެރޭގައި ޑައުންގްރޭޑު ނުކޮށް މިހާރުވެސް މިޕެކޭޖް ދަމަހައްޓާ ކަސްމަޓަރުންގެ ތެރެއިން ނަސީބުވެރި 4 ކަސްޓަމަރެކެވެ. މިދަތުރު ބޭއްވުމަށް ރޭވިފައި އޮތީ މިއަހަރުގެ ޖުލައި 22 އާއި އޮގަސްޓު 6 އާއި ދެމެދުގައެވެ.
މީގެ އިތުރުން، 1 މިނެޓުގެ "ޝޮޕިންގ ސްޕްރީ" އެއް ވެސް ދިރާގުން ވަނީ ލޯންޗުކޮށްފައެވެ. މިއޮފާގެ ދަށުން ދިރާގުން ކަނޑައަޅާ ފިހާރަތަކުގެ ތެރެއިން ފިހާރައަކުން 1 މިނެޓު ތެރޭގައި ނަގާ ހުރިހާ އައިޓަމެއް ހިލޭކޮށް ލިބޭނެއެވެ. ފެބްރުއަރީ މަހުގެ ތެރޭގައި ނަސީބުވެރި 10 ފަރާތަކަށް ލިބޭ މި ޕްރޮމޯޝަނުގައި ބައިވެރިވެވޭނީ 25 ފެބްރުއަރީގެ ކުރިން ދިރާގުގެ ޕްރީޕެއިޑް، ޕޯސްޓްޕެއިޑް ނުވަތަ ފައިބަރ ބްރޯޑްބޭންޑު ޕެކޭޖަކަށް ސަބްސްކްރައިބް ކުރާ ކަސްޓަމަރުންނަށެވެ. މިދިޔަ އަހަރު ދިރާގުން ކުރިއަށް ގެންދިޔަ "ރޯދަ ރެޑީ" ކެމްޕެއިނުގައި ވެސް މިފަދަ ޕްރޮމޯޝަނެއް ކުރިއަށް ގެންގޮސްފައިވާއިރު އޭރު ލިބުނު ތާއީދުގެ މައްޗަށް ބިނާކޮށް މިއަހަރުގެ ކެމްޕެއިން ކުރިއަށް ދާނީ މުޅި ރާއްޖެއަށް ހުޅުވާލައިގެންކަމަށް ދިރާގުން ބުނެފައި ވެއެވެ.
މި އޮފަރތަކުގެ އިތުރުން ވެސް ރޯދަމަހާއި ގުޅުވައިގެން އާ ޕްރޮމޯޝަންތައް ކުރިއަށް އޮތް ހަފުތާތަކުގައި އިފްތިތާޙުކުރާނެކަން އެ ކުންފުނިން ވަނީ އިއުލާން ކޮށްފައެވެ.
