ނަހުލާ ސޯޝަލް މީޑިއާގައި ކުރި އިއުލާނުގައި ބުނެފައިވަނީ ފިލްމުގެ ލަވައެއްގެ މިއުޒިކް ވީޑިއޯއަށް ރީތިކޮށް ނަށާލެވޭ އަންހެން ކުދިންކޮޅެއް ބޭނުންވާ ކަމަށެވެ. މިގޮތުން ކަމަދޫ ނުވަތަ އެހެން ރަށަކުން ނަމަވެސް ރަނގަޅަށް ނެށުމުގެ ހުނަރު ހުރި ބަޔަކު ހޯދުމަށް އެދިފައިވެއެވެ.
ކަމަދޫގެ ނެށުންތެރިންނަށް ނަހުލާ އަމާޒުކޮށްފައިވަނީ މިދިޔަ އަހަރުގެ އީދު ޝޯގައި އެރަށުގެ އަންހެން ނެށުންތެރިންގެ ގްރޫޕެއް ވަރަށް މަގުބޫލުވެ، ސޯޝަލް މީޑިއާގައި ވަރަށް ބޮޑަށް ފެތުރުނު ނެށުމެއް ހުށަހެޅުމާ ގުޅިގެންނެވެ.
ލޯބީގެ އަސަރުގަދަ ވާހަކައެއް ކިޔައިދޭ މި ފިލްމުގެ މައި ދައުރުތަކުގައި ފެންނާނީ މަރިޔަމް އައްޒާ އާއި ޔޫސުފް ޝަފީއު އެވެ. މީގެ އިތުރުން ޝީލާ ނަޖީބާއި ހުސައިން ސޮބާހު ވެސް މި ފިލްމުގައި ފެންނާނެއެވެ.
ނަހުލާ 2017 ވަނަ އަހަރު "ބޮސް" ނެރުމަށްފަހު ބޮޑު ބްރޭކަކަށް ގޮސްފައިވާ ނަހުލާ މިހާރު މި ފިލްމުގެ ޝޫޓިން ހަލުވި ސްޕީޑެއްގައި ކުރިއަށް އެބަ ގެންދެއެވެ.
