މި ޕްރޮގްރާމަކީ މިދިޔަ އަހަރުގެ މޭ މަހު ފެށި ޕްރޮގްރާމެކެވެ.
ޖެންޑާ މިނިސްޓްރީގެ ޑެޕިއުޓީ މިނިސްޓަރު ނަޒީހާ އަހުމަދު ދައުލަތުގެ މީޑިއާ މެދުވެރިކުރައްވައި ވިދާޅުވި ގޮތުގައި މި ޕްރޮގްރާމް މިހާތަނަށް ހިންގާފައިވަނީ ހުޅުމާލޭ ހިޔާ ފްލެޓް ސަރަހައްދާއި 14 އަތޮޅެއްގައެވެ. އަދި މި ޕްރޮގްރާމުގެ ދަށުން އެހީ ބޭނުންވާ ފަރާތްތަކަށް އެހީތެރިކަން ފޯރުކޮށްދެމުންދާ ކަމަށް އޭނާ ބުންޏެވެ.
މި ޕްރޮގްރާމުގެ ދަށުން ހާއްސަ އެހީއަށް ބޭނުންވާ ފަރާތްތަކާއި، އެހެނިހެން އެހީތެރިކަން ބޭނުންވާ ފަރާތްތައް ދެނެގަނެވި، އެފަރާތްތަކަށް ބޭނުންވާ އެހީތެރިކަން ފޯރުކޮށްދެވެމުންދެއެވެ. އަދި މި ޕްރޮގްރާމަކީ ރައްޔިތުން ވަރަށް ބޮޑަށް ބަލައިގަންނަ ޕްރޮގްރާމެއް ކަމަށް މިނިސްޓްރީން ބުންޏެވެ.
މިނިސްޓްރީން އިތުރަށް ބުނީ މިއަހަރު މި ޕްރޮގްރާމް މުޅި ރާއްޖެއަށް ފުޅާކުރުމަށް ރޭވިފައިވާ ކަމަށެވެ. އަދި މި ޕްރޮގްރާމުގެ ދަށުން އެއްކުރެވޭ މައުލޫމާތުތަކުގެ އަލީގައި ކަމާ ގުޅޭ ހުރިހާ މުއައްސަސާތަކެއް ބައިވެރިކޮށްގެން މަހާސިންތާއެއް ބޭއްވުމަށްވެސް ވަނީ ހަމަޖެހިފައެވެ.
- 10،000 އަށްވުރެ ގިނަ ގޭބިސީގެ ހާލު ބަލައިފި
- 14 އަތޮޅެއްގައި ޕްރޮގްރާމް ހިންގި
- މިއަހަރު މުޅި ރާއްޖެއަށް ފުޅާކުރަން ރާވައިފައިވޭ
