މި މަގާމަށް މުއުމިނާ ފާސްކޮށްފައިވަނީ 67 މެންބަރުންގެ ވޯޓުންނެވެ.
މުއުމިނާ އައްޔަންކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަޖިލީހަށް ފޮނުއްވި ނަން، މިނިވަން މުއައްސަސާތަކުގެ ކޮމިޓީން ވަނީ އިންޓަވިއުއަކާ ނުލައި ފާސްކޮށްފައެވެ. ކޮމިޓީން މި ނިންމުން ނިންމާފައިވަނީ އެ ބައްދަލުވުމުގައި ބައިވެރިވި މެންބަރުންގެ އިއްތިފާގުންނެވެ.
މުއުމިނާއަކީ އޮސްޓްރޭލިއާގެ ޔުނިވަސިޓީ އޮފް ސިޑްނީން ހިއުމަން ރައިޓްސް އެންޑް ޑިމޮކްރަޓައިޒޭޝަންއިން މާސްޓާސް ޑިގްރީ ހާސިލުކޮށްފައިވާ ބޭފުޅެކެވެ. އޭނާ ވަނީ އިކޮނޮމިކް މިނިސްޓްރީގައި ކޮންސަލްޓެންޓެއްގެ މަގާމު އަދާކުރައްވާފައެވެ. އަދި އެޗްއާރުސީއެމްގައި އެކި މަގާމުތައް ފުރުއްވާފައިވެއެވެ.
އެޗްއާރުސީއެމްގެ ނައިބު ރައީސްގެ މަގާމު ހުސްވެފައިވަނީ ކުރީގެ ނައިބު ރައީސް ޑރ. އަހްމަދު އަދުހަމް އަބްދުﷲ އިސްތިއުފާ ދެއްވުމާ ގުޅިގެންނެވެ. މިހާރު އެ ކޮމިޝަނުގައި ތިއްބެވީ ޖުމުލަ ފަސް މެންބަރުންނެވެ.
- އެޗްއާރުސީއެމްގެ ނައިބު ރައީސްކަމަށް މުއުމިނާ ވަހީދު 67 މެންބަރުންގެ ވޯޓުން
- މުއުމިނާ ފާސްކުރީ އިންޓަވިއުއަކާ ނުލައި
- މުއުމިނާއަކީ ހިއުމަން ރައިޓްސް ދާއިރާއިން މާސްޓާސް ޑިގްރީ ހާސިލުކުރައްވާފައިވާ ބޭފުޅެއް
- އެޗްއާރުސީއެމްގެ މެންބަރުކަމަށް މުއުމިނާ އައްޔަންކުރެއްވީ 2020 ސެޕްޓެމްބަރު 8 ގައި
- މިހާރު އެޗްއާރުސީއެމްގައި ތިއްބެވީ ޖުމުލަ ފަސް މެންބަރުން
