މި ލޯނުތަކުގެ ޖުމުލަ އަދަދަކީ 334 މިލިއަން ޑޮލަރު ނުވަތަ 5.2 ބިލިއަން ރުފިޔާއެވެ.
ނެގުނު ލޯނުތަކުގެ ތެރެއިން އެންމެ ބޮޑު އަދަދެއް ނަގާފައިވަނީ ސައުދީ ފަންޑު ފޯ ޑިވެލޮޕްމަންޓުންނެވެ. އެއީ ވެލާނާ އިންޓަނޭޝަނަލް އެއަރޕޯޓު ތަރައްގީ ކުރުމަށް ނެގުނު 150 މިލިއަން ޑޮލަރެވެ. މީގެ އިތުރުން ޗައިނާ އެގްޒިމް ބޭންކުން 75 މިލިއަން ޑޮލަރުގެ ލޯނެއް ވެސް އެއަރޕޯޓު މަޝްރޫއަށް ނަގާފައިވެއެވެ.
ފިނޭންސް މިނިސްޓްރީން ބުނެފައިވަނީ މި ލޯނުތަކަކީ ކޮންސެޝަނަލް ރޭޓުގައި ނެގުނު ލޯނުތަކެއް ކަމަށެވެ. އަދި މި ލޯނުތައް ނަގާފައިވަނީ ރައްޔިތުންނަށް ފައިދާ ހުރި މުހިންމު މަޝްރޫއުތަކަށް ކަމަށް ވެސް އެ މިނިސްޓްރީން ބުނެއެވެ.
ލޯނުތަކުގެ ތެރޭގައި އަތޮޅުތަކުގެ ހޮސްޕިޓަލްތައް އެޅުމަށާއި، ކުދި އަދި މެދުފަންތީގެ ވިޔަފާރިތަކަށް ބޭނުންވާ ފައިނޭންސިން ހަމަޖެއްސުމަށް ނެގުނު ލޯނުތައް ވެސް ހިމެނެއެވެ. މީގެ އިތުރުން ތިމާވެށި ހިމާޔަތް ކުރުމަށާއި އިމްޕޯޓަށް ބަރޯސާވުން ކުޑަކުރުމަށް ވެސް ލޯނު ނަގާފައިވެއެވެ.
- 2024 ގައި ޖުމުލަ 9 ލޯނު ނެގި
- ލޯނުތަކުގެ ޖުމުލަ އަގަކީ 5.2 ބިލިއަން ރުފިޔާ
- އެންމެ ބޮޑު ލޯނު ނެގީ ސައުދީ ފަންޑުން
- ލޯނުތައް ނެގީ ކޮންސެޝަނަލް ރޭޓުގައި
- ލޯނުތައް ނެގީ އެއަރޕޯޓު، ހޮސްޕިޓަލް އަދި އެސްއެމްއީ ތަރައްގީއަށް
