އިންޑިއާއިން ދިވެހިރާއްޖެއަށް އަލަށް ކަނޑައެޅުއްވި ސަފީރު ޖީ. ބަލަސުބްރަމަނިއަމް އަދި ފޮރިން މިނިސްޓަރު ޑރ. ހަލީލް
ދެ ގައުމުގެ ގުޅުން އިތުރަށް ބަދަހިކުރަން މަސައްކަތްކުރާނަން: އިންޑިއާގެ އާ ސަފީރު
ގުފްތަގް އަޖީރު
20 ޖެނުއަރީ 2025 - 12:44:30
އިންޑިއާއިން ދިވެހިރާއްޖެއަށް އަލަށް ކަނޑައެޅުއްވި ސަފީރު ޖީ. ބަލަސުބްރަމަނިއަމް މިއަދު ފޮރިން މިނިސްޓަރު ޑރ. އަބްދުﷲ ކަލީލްއާ ބައްދަލުކުރައްވައި، ދެ ގައުމުގެ ގުޅުން އިތުރަށް ބަދަހިކުރުމަށް މަސައްކަތް ކުރައްވާނެކަމުގެ ޔަގީންކަން ދެއްވައިފިއެވެ.
Advertisement
ފޮރިން މިނިސްޓްރީގައި ބޭއްވުނު މި ބައްދަލުވުމުގައި ދެ ގައުމުގެ ދެމެދުގައި އޮތް ގާތް ގުޅުމަށް މިހާރު އައިސްފައިވާ ކުރިއެރުންތަކާއި، އެ ގުޅުން އިތުރަށް ހަރުދަނާ ކުރެވިދާނެ ގޮތްތަކާ ގުޅޭގޮތުން މަޝްވަރާކުރެއްވިއެވެ. އަދި ފޮރިން މިނިސްޓަރު ވަނީ އިންޑިއާ ސަރުކާރުން ރާއްޖެއަށް ދެއްވާ އެހީތެރިކަމަށް ދިވެހި ސަރުކާރާއި ރައްޔިތުންގެ ނަމުގައި ޝުކުރު އަދާކުރައްވާފައެވެ.
"އިންޑިއާގެ އާ ސަފީރު ވިދާޅުވީ ދެ ގައުމަށް ފައިދާ ހުރި ކަންތައްތައް ހާސިލުކުރުމަށް ސަރުކާރާއެކު ގާތުން މަސައްކަތް ކުރައްވާނެ ކަމަށެވެ. އަދި ފޮރިން މިނިސްޓަރު ދެއްވި ހޫނު މަރުހަބާއަށް ޝުކުރު އަދާކުރެއްވި،" -ފޮރިން މިނިސްޓްރީ-
މި ބައްދަލުވުމުގައި ފޮރިން މިނިސްޓްރީގެ އިސް ބޭފުޅުންނާއި އިންޑިއާ ހައިކޮމިޝަންގެ ޑެޕިއުޓީ ހައިކޮމިޝަނަރު ބައިވެރިވެވަޑައިގެންނެވިއެވެ.
- އިންޑިއާގެ އާ ސަފީރު ފޮރިން މިނިސްޓަރާ ބައްދަލުކުރެއްވި
- ދެ ގައުމުގެ ގުޅުން އިތުރަށް ބަދަހިކުރުމަށް މަސައްކަތްކުރާނެކަމަށް ސަފީރު ވިދާޅުވި
- އިންޑިއާގެ އެހީތެރިކަމަށް ފޮރިން މިނިސްޓަރު ޝުކުރު އަދާކުރެއްވި
- ދެ ގައުމަށް ފައިދާހުރި ކަންތައްތައް ހާސިލުކުރުމަށް މަސައްކަތްކުރާނެކަމުގެ ޔަގީންކަން ސަފީރު ދެއްވި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
