
މިއީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިސްނަންގަވައިގެން ފައްޓަވާފައިވާ "ހާލު ކިހިނެއް" ޕްރޮގްރާމްގެ ދަށުން ކުރިއަށްގެންދާ މަސައްކަތެކެވެ.
ޖެންޑާ މިނިސްޓްރީން މިއަދު ބުނީ މި ޕްރޮގްރާމްގެ ދަށުން ކުޅުދުއްފުށީގެ ގޭގެއަށް ޒިޔާރަތްކޮށް، އެހީތެރިކަން ބޭނުންވާ ފަރާތްތައް ދެނެގަތުމުގެ މަސައްކަތް ކުރިއަށްދާ ކަމަށެވެ. މި މަސައްކަތުގައި ކުޅުދުއްފުށި ސިޓީ ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ފުރިހަމα އެއްބާރުލުން ލިބެމުންދާ ކަމަށްވެސް އެ މިނިސްޓްރީން ބުންޏެވެ.
މި ޕްރޮގްރާމް ފެށުމުގެ ކުރިން ޖެންޑާ މިނިސްޓްރީގެ ޓީމުތަކުން ވަނީ ކުޅުދުއްފުށި ސިޓީ ކައުންސިލާ ބައްދަލުކޮށް މަޝްވަރާކޮށްފައެވެ. އަދި ގޭގެއަށް ޒިޔާރަތްކުރުމާއި، ނާޒުކު ހާލަތުގައި ތިބި ފަރާތްތަކަށް އެހީތެރިކަން ފޯރުކޮށްދިނުމާ ގުޅޭގޮތުން މަޝްވަރާކުރެވުނެވެ.
"ހާލު ކިހިނެއް" ޕްރޮގްރާމަކީ ރާއްޖޭގެ ހުރިހާ ރަށެއްގައިވެސް ކުރިއަށްގެންދިއުމަށް ސަރުކާރުން ނިންމާފައިވާ ޕްރޮގްރާމެކެވެ. މިހާތަނަށް މާލެ ސިޓީގެ އިތުރުން ގިނަ އަތޮޅުތަކެއްގެ ރަށްރަށުގައި މި ޕްރޮގްރާމް ވަނީ ކުރިއަށް ގެންގޮސްފައެވެ.
- ކުޅުދުއްފުށީގައި "ހާލު ކިހިނެއް" ޕްރޮގްރާމް މިއަދު ފެށި
- ޖެންޑާ މިނިސްޓްރީގެ ޓީމުތައް ގޭގެއަށް ޒިޔާރަތްކުރަމުންދޭ
- ކައުންސިލާއި އަންހެނުންގެ ކޮމެޓީގެ އެއްބާރުލުން ލިބެމުންދޭ
- ނާޒުކު ހާލަތުގައި ތިބި ފަރާތްތައް ދެނެގަތުމަށް މަސައްކަތްކުރޭ
- ރާއްޖޭގެ ގިނަ ރަށްތަކެއްގައި މި ޕްރޮގްރާމް ވަނީ ހިންގާފަ