މިކަމާއި ގުޅިގެން ހައްޔަރުކުރި މީހާއަކީ ށ، ބިލެތްފަހި، ޗަނބޭލީގޭ އިބްރާހީމް ޒާލިފްއެވެ. އޭނާގެ އުމުރަކީ 37 އަހަރެވެ. އޭނާގެ ބަންދަށް ކޯޓުންވަނީ 20 ދުވަސް ޖަހާފައެވެ. އޭނާގެ މައްޗަށް ވައްކަން ކުރުމާއި މާރާމާރީ ހިންގުމުގެ ތުހުމަތު ކުރެއެވެ.
ފުލުހުން ދިން މަޢުލޫމާތުގައިވާ ގޮތުން، މި ހާދިސާ ހިނގާފައިވަނީ ހުޅުމާލޭ ދެވަނަ ފިޔަވަހީގެ ރީތިގަސްމަގު ބްރިޖް ކައިރީގަ އެވެ. ޓްރާންސްފޯމަރަށް ގެއްލުންދީ ވައްކަންކުރަން އުޅެނިކޮށް ސްޓެލްކޯގެ މުވައްޒަފުންތަކެއް ގޮސް އޭނާ ހިފަހައްޓާފައިވެ އެވެ. އަދި އޭގެފަހުން އެ މީހާ ވަނީ ސްޓެލްކޯގެ މުވައްޒަފަކަށް ހަމަލާދީ، މާރާމާރީ ވެސް ހިންގާފަ އެވެ.
މިފަދަ ހާދިސާތަކާ ގުޅިގެން ސްޓެލްކޯގެ މެނޭޖިންގ ޑިރެކްޓަރު ހުސައިން ފަހުމީ ވަނީ ހައި ވޯލްޓޭޖު ޓްރާންސްފޯމަރުތަކާ ކމަރުތަކާ ކުޅެ ހެދުމަކީ ކަރަންޓުގައި ޖެހި ސީރިއަސް އަނިޔާއެއް ލިބުން ނުވަތަ މަރުވެދާނެ ފަދަ ނުރައްކާތެރި ކަމެއްކަމަށް ވިދާޅުވެފަ އެވެ.
