ނައިބު ރައީސް ލަތީފް މި މަރުހަބާ ދެންނެވީ އެކްސް މެދުވެރިކޮށް ކުރެއްވި ޕޯސްޓެއްގައެވެ.
ނައިބު ރައީސް ލަތީފްގެ މެސެޖުގައި، ކުރިއަށް އޮތް 4 އަހަރުގެ ތެރޭގައި ދެ ގައުމު ގުޅިގެން ދުނިޔޭގެ ބޮޑެތި މައްސަލަތަކަށް ހައްލު ހޯދުމަށް މަސައްކަތްކުރާނެކަމުގެ ޔަގީންކަން އޮތްކަމަށް ވިދާޅުވިއެވެ. މީގެއިތުރުން، އާ ރިޔާސަތުގެ ދަށުން އެމެރިކާގެ ރައްޔިތުންގެ ކުރިމަގަށް ގިނަ މަސައްކަތްތަކެއް ކުރެވި، ރައްޔިތުންގެ މެދުގައި ސުލްހަ ގާއިމުކުރެވޭނެކަމުގެ އުއްމީދު ފާޅުކުރެއްވިއެވެ.
ޔޫއެސް ސެނެޓުގައި ރިޕަބްލިކަން ޕާޓީ ތަމްސީލުކުރައްވާފައިވާ ޖޭ.ޑީ ވެންސްއަކީ ސިޔާސީ މައިދާނުގައި ގިނަ ދުވަސްތަކެއް ވަންދެން ހަރަކާތްތެރިވެވަޑައިގެންފައިވާ ބޭފުޅެކެވެ. އެމެރިކާގެ އާ ވެރިކަމުގެ ދައުރަށް މަރުހަބާ ދަންނަވަމުން، މި ދައުރަކީ ކާމިޔާބު ދައުރަކަށް ވެގެންދާނެކަމުގެ އުއްމީދު ނައިބު ރައީސް ލަތީފް ފާޅުކުރެއްވިއެވެ.
