ހުވާކުރެއްވުމުގެ ރަސްމިއްޔާތު ބާއްވާފައި ވަނީ އެމެރިކާގެ ކެޕިޓޮލް ރޮޓަންޑާގަ އެވެ. އެ ރަސްމިއްޔާތުގައި އެމެރިކާގެ ކުރީގެ ރައީސުންނާއި، ކެބިނެޓް މިނިސްޓަރުންގެ އިތުރުން އެހެން ބައެއް އިއްޒަތްތެރިންވެސް ބައިވެރިވެވަޑައިގަތެވެ.
ޓްރަމްޕްގެ އިތުރުން ނައިބު ރައީސް ޖޭޑީ ވާންސް ވެސް ވަނީ މަގާމުގެ ހުވާކުރައްވާފަ އެވެ.
ހުވާ ކުރެއްވުމަށްފަހު، ޓްރަމްޕް ދެއްވި ރިޔާސީ ބަޔާނުގައި ވިދާޅުވީ، ކެމްޕޭނު ތެރޭގައި ވައުދުވެވަޑައިގެންނެވި ގޮތަށް، އެމެރިކާގެ މަސްހަލަތު އިސްކުރުމުގެ ސިޔާސަތުގެ ތެރެއިން، ގައުމު އާރާސްތުކުރުމުގެ މަސައްކަތް މި ފެށުނީ ކަމަށެވެ.
މި ވަގުތުން ފެށިގެން އެމެރިކާގެ ބޯޑަރުތައް ހިމާޔަތްކޮށް، ގައުމުގައި ގަވާއިދާ ހިލާފަށް އުޅެމުންދާ ބޭރު ގައުމުތަކުގެ ކުށްވެރިން ބޭރުކުރުމުގެ ފެއްޓެވީ ކަމަށް ޓްރަމްޕް އިއުލާނު ކުރެއްވި އެވެ.
ރައީސްކަމުގެ ހުވާކުރެއްވުމަށް ފަހު މިއަދު ރިޔާސީ 100 ވަރަކަށް ގަރާރު ނެރުއްވާނެ ކަމަށް ބެލެވެ އެވެ. އޭގެ ތެރޭގައި މެކްސިކޯ އާއި އެމެރިކާ ގުޅޭ ސަރަހައްދީ ރޮނގުގައި ކުއްލި ހާލަތު އިއުލާންކުރުން ހިމެނެ އެވެ.
