ads
ސްޕޯޓްސް ފިޝިން
ވަދު ކަނދުފަތި ކައިރިން ދޮށީގެ މަސްވެރިކަން ކުރުމުގެ ހުއްދަ ދީފި
މަސްވެރިކަމުގެ އާންމު ގަވާއިދަށް ގެނެވުނު އިސްލާހަކާ ގުޅިގެން، ވަދު ކަނދުފަތިތައް ނުވަތަ ސްޕޯޓްސް ފިޝިން އަށް ބޭނުންކުރާ ކަނދުފަތިތައް ކައިރިން ދޮށީގެ މަސްވެރިކަން ކުރުމުގެ ހުއްދަ ދީފިއެވެ.
Advertisement

މިއީ މަސްވެރިކަމުގެ އާންމު ގަވާއިދަށް ގެނެވުނު ދެވަނަ އިސްލާހުގެ ދަށުން ގެނެވުނު ބަދަލެކެވެ.

މީގެ ކުރިން ވަދު ކަނދުފަތިތަކުގެ އެއް މޭލުގެ ސަރަހައްދުގައި އަތުނަނު ބޭނުންކޮށްގެން ބޮޑުކަންނެލީގެ މަސްވެރިކަމާއި ދޮށީގެ މަސްވެރިކަން ކުރުން މަނާކޮށްފައި އޮތް އޮތުން ވަނީ އުވާލާފައެވެ. 

"ދައުލަތުގެ މީޑިއާ މެދުވެރިކޮށް ފިޝަރީޒް މިނިސްޓްރީން ބުނީ މިހާރު ވަދު ކަނދުފަތިތައް ކައިރިންވެސް ދޮށީގެ މަސްވެރިކަން ކުރެވޭނެ،" ކަމަށެވެ.

ނަމަވެސް، އޮއިވާލި ކަނދުފަތިތަކާ ގުޅޭ ގަވާއިދުތަކަށް އެއްވެސް ބަދަލެއް ގެނެސްފައެއް ނުވެއެވެ. އެގޮތުން އޮއިވާލި ކަނދުފަތިތަކުގެ ތިން މޭލުގެ ސަރަހައްދުގައި ކުރެވޭނީ ހަމައެކަނި ދޮށީގެ މަސްވެރިކަމެވެ. އަދި ކަނދުފައްޗަށް ގެއްލުންވާފަދަ އެއްވެސް ހަރަކާތެއް ހިންގުމަކީ މަނާކަމެކެވެ.

މި އިސްލާހާއެކު މަސްވެރިންގެ ދަފްތަރު ބެލެހެއްޓުމުގެ މަސައްކަތްވެސް ވަނީ އެހެން ގަވާއިދެއްގެ ދަށަށް ބަދަލުކޮށްފައެވެ. މިހާރު ރާއްޖޭގައި އަޅާފައި ހުރީ ދެ ބާވަތެއްގެ ކަނދުފައްޗެވެ. އެއީ ދޮށީގެ މަސްވެރިކަމަށް އަޅާފައިވާ އޮއިވާލި ކަނދުފައްޗާއި، މުނިފޫހިފިލުވުމުގެ ބޭނުމަށް އަޅާފައިވާ ވަދު ކަނދުފައްޗެވެ..

100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް