ފުލުހުން މިއަދު ނެރުނު ނޫސްބަޔާނެއްގައި ބުނީ މިކަން ހަމަޖެހިފައިވަނީ ފުލުހުންގެ އިސް ވަފުދެއް އިންޑިއާއަށް ކުރި ދަތުރެއްގައި އެ ޔުނިވަރސިޓީއާއެކު ކުރެވުނު މަޝްވަރާތަކާ ގުޅިގެން ކަމަށެވެ. މި ދަތުރުގައި އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން އިސްކޮށް ހުންނެވި ވަފުދުން ވަނީ އިންޑިއާގެ އެހެން ދެ މަރުކަޒަކާވެސް ބައްދަލުކުރައްވާފައެވެ.
ފުލުހުންގެ އޮފީހުން ބުނެފައިވަނީ ޒަމާނީ ޑިޖިޓަލް ފޮރެންސިކް ލެބޯޓަރީއެއް ތަރައްގީކުރުމުގެ އިތުރުން، އެ ޔުނިވަރސިޓީން ވަނީ ރާއްޖޭގައި ކެމްޕަހެއް ގާއިމުކުރުމަށްވެސް ހުށަހަޅާފައި ކަމަށެވެ. އަދި މި މަޝްރޫއުތަކާ ގުޅޭ އިތުރު މަޝްވަރާތައް ކުރިއަށް ގެންދިއުމަށް ވަނީ އެއްބަސްވެފައެވެ.
މީގެ އިތުރުން، ފުލުހުންގެ ތަހުގީގީ އަދި އޮޕަރޭޝަނަލް ގާބިލުކަން އިތުރުކުރުމަށް އިންޑިއާގެ މަތީ ފެންވަރުގެ ތަމްރީނު މަރުކަޒުތަކާއެކު ކުރިން ވެފައިވާ އެއްބަސްވުންތައް ތަންފީޒުކުރުމާ ގުޅޭގޮތުންވެސް މަޝްވަރާކުރެވުނެވެ. މީގެ ތެރޭގައި ސައިބާ ފޮރެންސިކްސް އަދި އިންޓެލިޖެންސްގެ ދާއިރާތަކުން މަތީ ފެންވަރުގެ ތަމްރީނުތައް ހިމެނެއެވެ.
