އެ ކޮމިޝަންގެ ރައީސްގެ މަގާމު ހުސްވީ އެ މަގާމުގައި ކުރިން ހުންނެވި މަރިޔަމް ވަހީދާގެ ދައުރު މިދިޔަ މަހު ހަމަވުމާއި ގުޅިގެންނެވެ.
ބްރޯޑްކޮމްގެ ރައީސްކަމަށް ސަފާ އައްޔަންކުރީ މިއަދު އެ ކޮމިޝަންގައި ބޭއްވި އިންތިހާބެއްގައެވެ. ރައީސްކަމަށް ކުރިމަތިލީ ސަފާ އެކަނިކަމުން އޭނާ އެ މަގާމަށް އިންތިހާބުކުރީ ކޮމިޝަންގެ މެމްބަރުންގެ އިއްތިފާގުންނެވެ.
ކުރީގެ ޓީވީ ޕްރެޒެންޓަރެއް ކަމަށްވާ ސަފާ އެ ކޮމިޝަނަށް އައްޔަން ކުރީ ސެޕްޓެމްބަރު، 2023 ގައެވެ. ސަފާ ވަނީ ގައުމީ ޔުނިވާސިޓީން ސޯޝަލް ޕޮލިސީގެ ދާއިރާ އިން މާސްޓާސް ޑިގްރީ ހާސިލްކުރައްވާފައެވެ. އަދި މެލޭޝިއާގެ ލިމްކޮކްވިންގް ޔުނިވާސިޓީން މާސްޓާސް އޮފް ކޮމިޔުނިކޭޝަންސްވެސް ހާސިލްކުރައްވާފައެވެ.
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އަށް ކުރީގެ މަޖިލިސް މެމްބަރު މުހައްމަދު އަބްދު ﷲ (މުހައްމާ) އާއި އާމިނަތު ސަރާހަތު އިއްޒަތު އިއްޔެ ވަނީ އައްޔަންކޮށްފައެވެ.
ކޮމިޝަނުން ވަނީ އެ ކޮމިޝަނުން ހުސްވެފައިވާ ދެ މަގާމަށް މުހައްމާއި ސަރާހަތި އައްޔަންކުރިކަން އިއުލާންކޮށްފައެވެ. ކޮމިޝަން މެމްބަރުންގެ ގޮތުގައި މުހައްމާއި ސަރާހަތު އައްޔަންކުރަން މަޖިލީހުން ފާސްކުރީ މިދިޔަ ބުރާސްފަތި ދުވަހުއެވެ.
