ads
ފުވައްމުލަކުގައި ކްރިއޭޓާ ހަބެއް ގާއިމްކުރުމުގެ އެއްބަސްވުން
ފުވައްމުލައް ސިޓީގައި ކްރިއޭޓާ ހަބެއް ގާއިމްކުރަން ބީސީސީން ސޮއިކޮށްފި
ފުވައްމުލައް ސިޓީގައި ކްރިއޭޓާ ހަބެއް ގާއިމްކުރުމަށް ބިޒަނަސް ސެންޓާ ކޯޕޮރޭޝަނުން (ބީސީސީ) ފުވައްމުލައް ސިޓީ ކައުންސިލާއެކު އެއްބަސްވުމެއްގައި ސޮއިކޮށްފިއެވެ.
Advertisement

ބީސީސީން މިއަދު ބޭއްވި ބައްދަލުވުމުގައި މި އެއްބަސްވުމުގައި އެ ކޯޕޮރޭޝަންގެ ފަރާތުން ސޮއިކުރެއްވީ ، މޭޏޭޖިން ޑިރެކްޓަރު އިބްރާހީމް ޒިއާއު މުހައްމަދެވެ. އަދި ފުވައްމުލައް ސިޓީ ކައުންސިލްގެ ފަރާތުން ސޮއިކުރެއްވީ އެ ސިޓީ މޭޔަރު އިސްމާއީލް ރަފީގެވެ.

ބީސީސީން ފުވައްމުލައް ސިޓީގައި ގާއިމްކުރާ ކްރިއޭޓާ ހަބް ގާއިމްކުރުމަށް ހަަމަޖެހިފައިވަނީ އެ ސިޓީގެ ލޯކަލް މާކެޓުގެ ފަންގިފިލާގައި ކަމަށް އެ ފަރާތުން މައުލޫމާތުދެއެވެ.

"އަތޮޅުތަކުގައި ގާއިމްކުރެވޭ ކްރިއޭޓިވް ހަބްތަކާއެކު ރައީސް ޑރ.މުހައްމަދު މުއިއްޒުގެ ތަސައްވަރާ އެއްގޮތަށް ރާއްޖޭގައި ފަންނުވެރި އިގްތިސޯދެއް ބިނާކުރުމަށް ކުރެވޭ މަސައްކަތް ހަލުވިވެގެންދާނެ ،އަދި ފަންނުވެރިންނަށް ފުރުސަތުތައް ފަހިވުމާއެކު ދިމާވާ ދަތިތަކަށް ހައްލު ލިބިގެންދާނެ" ބީސީސީގެ އެމްޑީ ޒިއާއު ވިދާޅުވިއެވެ.

ރާއްޖޭގައި ފަންނުވެރި އިގްތިސޯދެއް ބިނާކުރުމަށް ކުރަމުންދާ މަސައްކަތްތަކުގައި ފަންނުވެރިންގެ ހިޔާލާއި މަޝްވަރާ ހޯދުމަށް ބީސީސީން ދަނީ ގިނަ މަސައްކަތްތަކެެއް ކުރަމުންނެވެ. އެގޮތުން މާލޭގެ އިތުރުން ބައެއް ރަށްތަކުގައި ކްރިއޭޓިބް ކޮންފްލުއެންސްތައް ބާއްވާ ފަންނުވެރިންގެ ހިޔާލާއި މަޝްވަރާ ހޯދުމުގެ މަސައްކަތް ކުރަމުންދާކަމަށް ބީސީސީން ބުނެއެވެ. މާލޭގައި ގާއިމްކުރާ ކްރިއޭޓާ ހަބުގެ މައި އިމާރާތް ، އިމާރާތްކުރުމުގެ މަސައްކަތް މިހާރު ފަށާފައިވާކަމަށް ވެސް އެފަރާތުން ފާހަގަކުރެއެވެ.

ރާއްޖޭގައި ފަންނުވެރި އިގްތިސޯދެއް ނުވަތަ ކްރިއޭޓިވް އިކޮނޮމީއެއް ބިނާކުރުމަކީ ވަޒީރުންގެ މަޖިލީހުގެ ލަފާފޔުޅާއެކު ރައީސް ޑރ.މުހައްމަދު މުއިއްޒު ނިންމަވާފައިވާ މުހުއްމު ނިންމުމެކެވެ.  އެގޮތުން ބީސީސީން މާލޭގައި ގާއިމްކުރާ ކްރިއޭޓާ ހަބްގެ އިތުރުން ރާއްޖޭގެ އެކި ސަރަހައްދުތަކުގައި ކްރިއޭޓާ ހަބްތަކެއް ގާއިމްކުރުމުގެ މަގްސަދަކީ ، ރާއްޖޭގައި އެކި އަތޮޅުތަކުގަިއ ތިބި ފަންނުވެރިންނާއި ވީހާވެސް ގާތުންހިދުމަތްދެވޭނެ މަގުފަހިކޮށްދިނުން ކަމުގައި ބީސީސީން ބުނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް