ads
މެޑަމް ސާޖިދާ ފޮޓޯ: ރައީސް އޮފީސް
ރާއްޖޭގެ ބްރޯޑްކާސްޓިން ހިދުމަތަކީ ގައުމީ ބަދަހިކަމުގެ އަގުހުރި ހާދިމެއް: ސާޖިދާ
ރާއްޖޭގެ ބްރޯޑްކާސްޓިން ހިދުމަތަކީ، ދުރުދުރުގައި މާކަނޑެއްގެ އުސްރާޅުތަކުގެ ނިވަލުގައި އެތުރިފައިވާ ރަށްތައް ގުޅުވައިލަދިން، ގައުމީ ބަދަހިކަމުގެ އަގުހުރި ހާދިމެއްކަމަށް ރައީސް ޑރ.މުހައްމަދު މުއިއްޒުގެ އަނބިކަނބަލުން މެޑަމް ސާޖިދާ މުހައްމަދު ވިދާޅުވެއްޖެއެވެ.
Advertisement

ރައީސްގެ އަނބިކަބަލުން މިހެން ވިދާޅުވީ، އިއްޔެ ނޭޝަނަލް އާޓް ގެލެރީގައި ބޭއްވި، "ވިޝަންސް އޮފް ދަ ފިއުޗާ" ކުރެހުމުގެ މުބާރާތުގެ އިނާމު ދިނުމުގެ ރަސްމިއްޔާތު ޝަރަފުވެރިކޮށްދެއްވައި ދެއްކެވި ވާހަކަފުޅުގައެވެ.

ބްރޯޑްކާސްޓިން ދާއިރާގެ ހިދުމަތްތްތެރިކަމުގެ މައްޗަށް އަލިއަޅުއްވާލައްވަމުން މެޑަމް ސާޖިދާ ވިދާޅުވީ، ބްރޯޑްކާސްޓިން ދާއިރާގެ މުހިންމުކަން ދަރިވަރުންނަށް އުނގަންނައިދީ، އެ ދާއިރާއާ މެދު ޝައުގުވެރިކަން އުފެއްދުމަކީ މުހިންމުކަމެއް ކަމަށެވެ. ބްރޯޑްކާސްޓިން ކޮމިޝަނުން އިންތިޒާމުކޮށްގެން ބޭއްވި މިފަދަ ކުރެހުމުގެ މުބާރާތް ފަދަ ހަރަކާތްތައް މެދުވެރިކޮށް، ދަރިވަރުންގެ ކެރިއާ ބިނާކުރުމުގައި އެހީތެރިވެވިދާނޭކަން ރައީސްގެ އަނބިކަނބަލުން ފާހަގަކުރެއްވިއެވެ.

މީގެ އިތުރުން، ގައުމެއްގެ ނިސްބަތުގައި ޓީވީ އާއި ރޭޑިއޯ އަދާކުރާ ދައުރު، ފަހުގެ ޖީލުތަކަށް އެނގުމުގެ މުހިންމުކަންވެސް ސާޖިދާ ފާހަގަކުރެއްވިއެވެ.

މިއަދުގެ ރަސްމިއްޔާތުގެ އެންމެ ޝަރަފުވެރި އިނާމުތައް ހަވާލުކޮށްދެއްވީ މެޑަމް ސާޖިދާއެވެ. އިނާމުތައް ހަވާލުކުރެއްވުމަށްފަހު، ހާއްސަ ފޮޓޯއެއް ނެންގެވުންވެސް އޮތެވެ. ރައީސްގެ އަނބިކަނބަލުން ވަނީ، "ވިޝަންސް އޮފް ދަ ފިއުޗަ" ގެ ކުރެހުންތައް ވެސް ބައްލަވާލައްވާފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް