މުއުމިނާ ވަހީދު އެ މަގާމަށް އައްޔަންކުރަން ރައްޔިތުންގެ މަޖިލީހުން ފާސްކުރީ މިމަހުގެ 20 ވަނަދުވަހުއެވެ. އޭނާ އެ މަގާމަށް އައްޔަން ކުރަން ފެންނަކަމަށް މަޖިލީހުގެ 67 މެމްބަރުން ވަނީ ވޯޓް ދީފައެވެ.
މުއުމިނާއަކީ އޮސްޓްރޭލިއާގެ ޔުނިވަސިޓީ އޮފް ސިޑްނީން ހިއުމަން ރައިޓްސް އެންޑް ޑިމޮކްރަޓައިޒޭޝަންއިން މާސްޓާސް ޑިގްރީ ހާސިލުކޮށްފައިވާ ބޭފުޅެކެވެ. އޭނާ ވަނީ އިކޮނޮމިކް މިނިސްޓްރީގައި ކޮންސަލްޓެންޓެއްގެ މަގާމު އަދާކުރައްވާފައެވެ. އަދި އެޗްއާރުސީއެމްގައި އެކި މަގާމުތައް ފުރުއްވާފައިވެއެވެ.
އެޗްއާރުސީއެމްގެ ނައިބު ރައީސްގެ މަގާމު ހުސްވެފައިވަނީ ކުރީގެ ނައިބު ރައީސް ޑރ. އަހްމަދު އަދުހަމް އަބްދުﷲ އިސްތިއުފާ ދެއްވުމާ ގުޅިގެންނެވެ. މިހާރު އެ ކޮމިޝަނުގައި ތިއްބެވީ ޖުމުލަ ފަސް މެންބަރުންނެވެ.
އެޗްއާރުސީއެމްގެ މެންބަރުކަމަށް މުއުމިނާ އައްޔަންކުރެއްވީ 2020 ސެޕްޓެމްބަރު 8 ގައެވެ.
