ލ. ގަމުގައި ފެން ބޮޑުވުން
ލ. ގަމުގައި ފެން ބޮޑުވުމާ ގުޅިގެން އެމްއެންޑީއެފް ހަރަކާތްތެރިވަނީ
ގުފްތަގް އަޖީރު
27 ޖެނުއަރީ 2025 - 16:01:27
ރާއްޖެއަށް ކުރަމުންދާ ވިއްސާރައިގެ ސަބަބުން ލ. ގަމުގައި ފެންބޮޑުވެ، އެމްއެންޑީއެފްގެ ސެންޓްރަލް އޭރިއާ ކޮމާންޑްގެ ސިފައިން އެ ރަށުގައި ހަރަކާތްތެރިވަމުން ދާކަމަށް އެމްއެންޑީއެފްއިން މިއަދު ބުނެފިއެވެ.
Advertisement
މޫސުމާ ބެހޭ އިދާރާ، މެޓް އިން މިއަދު މެންދުރު 12:00 އިން ފެށިގެން ހަވީރު 17:00 އާ ހަމައަށް ފ. އަތޮޅުން ފެށިގެން ގދ. އަތޮޅާ ހަމައަށް ވައިޓް އެލާޓެއް ނެރެފައިވެއެވެ. މި އެލާޓްގައި ވަނީ ބޯކޮށް ވާރޭވެހި، ގުގުރާނެ ކަމަށް ލަފާކުރެވޭ ކަމަށެވެ.
މެޓް އިން އިތުރަށް ބުނީ ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެ. އަދި ރާއްޖޭގެ ގިނަ ސަރަހައްދުތަކަށް ވިއްސާރަ ކުރާނެ ކަމަށާއި، ބައެއް ރަށްރަށަށް ގުގުރުމާއެކު ބޯކޮށް ވާރޭވެހޭނެ ކަމަށް ވެސް ބުނެފައިވެއެވެ.
މިހާރު ކުރަމުންދާ ވިއްސާރަ ބުދަ ދުވަހުން ފެށިގެން މަޑުޖެހި، މޫސުން ރަނގަޅުވާނެ ކަމަށް މޫސުމާ ބެހޭ އިދާރާއިން ލަފާކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
