މިއީ މޯލްޑިވިއަންގެ އާ ވައިޑް-ބޮޑީ މަތިންދާބޯޓުން ޗައިނާގެ ތިން ވަނަ މަންޒިލަށް ފެށި ދަތުރުތަކެވެ.
ވެލާނާ އިންޓަނޭޝަނަލް އެއަރޕޯޓާއި ޝަންހާއީ ޕުޑޮންގް އިންޓަނޭޝަނަލް އެއަރޕޯޓާ ދެމެދު ކުރެވޭ މި ދަތުރުތަކުގައި ދިވެހިންނާއި ބޭރުގެ ޓޫރިސްޓުން ދަތުރުކުރަމުންދެއެވެ. މި ދަތުރުތަކުގެ ސަބަބުން ޗައިނާއިން ރާއްޖެއަށް ޒިޔާރަތްކުރާ ޓޫރިސްޓުންގެ އަދަދު އިތުރުވެގެންދާނެ ކަމަށް ބެލެވެއެވެ.
މޯލްޑިވިއަންއިން ޗައިނާއަށް ދަތުރުތައް ފަށާފައިވަނީ މި މަހުގެ 21 ވަނަ ދުވަހު ޗެންޑޫއަށް ކުރި ދަތުރާ އެކުގައެވެ. އަދި 24 ވަނަ ދުވަހު ބެއިޖިންގއަށްވެސް ދަތުރުތައް ފަށާފައިވެއެވެ.
މި ދަތުރުތަކުގެ ސަބަބުން ޗައިނާއިން ރާއްޖެއަށް ކާގޯ އުފުލުމުގެ ފުރުސަތުވެސް އިތުރުވެގެންދާނެއެވެ. މިއީ ދެ ގައުމުގެ ދެމެދުގައި އޮންނަ ވިޔަފާރީގެ ގުޅުން އިތުރަށް ހަރުދަނާވެ، ދެމެހެއްޓެނިވި ގޮތެއްގައި ކުރިއަރައިގެންދާނެ ކަމެކެވެ.
