މާލޭ ސިޓީ ކައުންސިލުން ބުނީ އެ ކައުންސިލްގެ ހހުއްދަ ހޯދުމެއްނެތި، ބައެއް ފަރާތްތަކުން، މާލޭގެ ބައެއް މަގުތަކުގެ ފާރު ތަޅަމުންދާކަމަށެވެ. އެ ކައުންސިލުން ބުނީ ބައެއް ގެތަކުގެ މަގުފާރު ތަޅާލުމުގެ ޝަކުވާތައް އެ ކައުންސިލަށް ލިބެމުން އަންނަކަމަށެވެ.
މާލޭ ސިޓީ ކައުންސިލުން ވަނީ މި ފަދަ ކަންކަން ކުރަން އެދޭ ފަރާތްތަކުން އެކަމަށް އޮންނަ އުސޫލުން ހުއްދަ ނެގުމަށް އިލްތިމާސްކޮށްފައެވެ. އަދި ހުއްދަ ނެތި ނުކުރުމަށްވެސް އެ ކައުންސިލުން އެދެއެވެ.
މާލޭގެ ރައްޔިތުންގެ ރައްކާތެރިކަމާއި ސަލާމަތަށް ސިޓީ ކައުންސިލުން އަންނަނީ ގިނަ މަސައްކަތްތައް ކުރަމުންނެވެ. އެގޮތުން މާލޭގެ މަގުތަކުން ކުނި ނަގައި ސާފުކުރުމަށްޓަކައި މާލެ ސިޓީ ކައުންސިލުން ވަނީ ހާއްސަ ޓާސްކްފޯހެއް އެކުލަވާލާފައެވެ..
މި މަސައްކަތަކީ ވޭސްޓް މެނޭޖްމަންޓް ކޯޕަރޭޝަން (ވެމްކޯ) އާ ގުޅިގެން ކުރިއަށް ގެންދާ މަސައްކަތެކެވެ.
މާލެ ސިޓީ ކައުންސިލުން ބުނެފައިވާގޮތުން މި މަސައްކަތް ފެށުމަށް ހަމަޖެހިފައިވަނީ އަންނަ މަހުގެ 15 ވަނަ ދުވަހުންނެވެ.
