Advertisement

އިމިގްރޭޝަނުން ބުނީ ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީން ހޯދުމަށްޓަކައި،  ފުލުހުން ގުޅިގެން  ހާއްސަ އޮޕަރޭޝަންތަކެއްގެ ހިންގިކަމަށެވެ. 

މި އޮޕަރޭޝަންތަކުގައި ވިއެޓްނާމްގެ 4 އަންހެނުންނާއި އެޖެންޓެއްގެ ގޮތުގައި މަސައްކަތްކުރި 1 ފިރިހެނަކު ހައްޔަރުކޮށްފައިވާކަމަށް އިމިގްރޭޝަނުން ބުނެއެވެ. 

މީގެ ތެރެއިން 3 އަންހެނުން ރާއްޖޭގައި އުޅެމުންދިއައީ ވޯކް ވިސާގައި. މި މައްސަލަތައް އިތުރަށް ތަޙްޤީޤުކުރުމަށްފަހު، މީގެ ތެރެއިން 1 އަންހެނަކު  ޑިޕޯޓުކުރެވިފައިވާކަމަށްވެސް އެ އިދާރާއިން ބުނެއެވެ. އަދި ބާކީ ތިބި 4 ބިދޭސީން ޑިޕޯޓުކުރުމުގެ މަސައްކަތް މިހާރު ކުރަމުން ދާކަމަމަށް އިމިގްރޭޝަނުން ބުނެއެވެ.

މި ގްރޫޕްގައި ހިމެނެނީ އުމުރުން 35 އަހަރާއި 41 އަހަރާއި ދެމެދުގެ މީހުންނެވެ.