ads
ހައުސިން ޔުނިޓްތަކެއް
57 ރަށެއްގައި 12000 ވުރެ ގިނަ ހައުސިން ޔުނިޓް އަޅާނެ ބަޔަކު ހޯދަނީ
ރާއްޖޭގެ 57 ރަށެއްގައި ހައުސިން މަޝްރޫއުތައް ހިންގުމަށް ބީލަމަށް ފިނޭންސް މިނިސްޓްރީން ހުޅުވާލައިފިއެވެ.
Advertisement

ރައީސް ޑރ. މުހައްމަދު މުއިއްޒުގެ ރިޔާސީ ވައުދުގައި ހިމެނޭ ހައުސިން މަޝްރޫއުތަކަށް ބީލަމަށް މިމަސް ނިނުމުގެ ކުރިން ހުޅުވާލާނެކަމަށް އެމަނިކުފާނު ވަނީ ވިދާޅުވެފައެވެ. 

ފިނޭންސް މިނިސްޓްރީން މިއަދު ކުރި އިއުލާނެއްގައި ބުނީ މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާގެ އެދުމުގެ މަތިން، ރާއްޖޭގެ 57 ރަށެއްގައި ޕަބްލިކް ހައުސިން ޕްރޮޖެކްޓްގެ ދަށުން ބޯހިޔާވެހިކަމުގެ މަޝްރޫއެއް ހިންގުމަށް ހަމަޖެހިފައިވާކަމަށެވެ. 

ހައުސިން ޔުނިޓްތައް އެޅުމަށް ހަމަޖެހިފައިވާގޮތް 

  • 30 ހައުސިން ޔުނިޓް / 1 ރަށުގައި 
  • 50 ހައުސިން ޔުނިޓް / 17 ރަށުގައި 
  • 60 ހައުސިން ޔުނިޓް / 1 ރަށުގައި 
  • 75 ހައުސިން ޔުނިޓް / 1 ރަށުގައި 
  • 100 ހައުސިން ޔުނިޓް / 13 ރަށުގައި 
  • 150 ހައުސިން ޔުނިޓް / 2 ރަށުގައި 
  • 200 ހައުސިން ޔުނިޓް / 8 ރަށުގައި 
  • 225 ހައުސިން ޔުނިޓް / 1 ރަށުގައި 
  • 250 ހައުސިން ޔުނިޓް / 1 ރަށުގައި 
  • 300 ހައުސިން ޔުނިޓް / 1 ރަށުގައި 
  • 400 ހައުސިން ޔުނިޓް / 1 ރަށުގައި 
  • 500 ހައުސިން ޔުނިޓް / 9 ރަށުގައި 
  • 2000 ހައުސިން ޔުނިޓް / 1 ރަށުގައި 

މި މަޝްރޫއުގައި ހިމެނެނީ ޑިޒައިން އެންޑް ބިލްޑް އުސޫލުން 12،000 އަށްވުރެ ގިނަ ހައުސިން ޔުނިޓު ރާއްޖޭގެ 57 ރަށެއްގައި ޤާއިމްކުރުމުގެ މަސައްކަތްކަމަށް ފިނޭންސް މިނިސްޓްރީން ބުނެއެވެ. މި މަޝްރޫއުގެ ދަށުން އިއުލާނު ކުރުމަށް ހަމަޖެހިފައިވާ ކޮންޓްރެކްޓްތަކުގެ މަސައްކަތްތައް ކުރިއަށް ގެންދިއުމަށް ހަމަޖެހިފައިވަނީ އިންޓާނޭޝަނަލް ކޮމްޕެޓިޓިވް ބިޑިން (އައި.ސީ.ބީ) އާއި ނޭޝަނަލް ކޮމްޕެޓިޓިވް ބިޑިން (އެން.ސީ.ބީ.) އުސޫލުތަކާއި، ދައުލަތުގެ މާލިއްޔަތުގެ ގަވާއިދުގެ ބަޔާންކުރާ ހަމަތަކުގެ މަތިންކަމަށް ފިނޭންސްގެ އިއުލާންގަވެއެވެ.

މި މަޝްރޫގެ ދަށުން 50 ހައުސިން ޔުނިޓަށްވުރެ ދަށުން ހުރި ޔުނިޓްތައް އަޅަން ކުރިމަތިލެވޭނީ ހަމައެކަނި ދިވެހި ކޮންޓްރެކްޓަރުން އެކަންޏެވެ. ހުރިހާ ހައުސިން ޔުނިޓްތަކަށް ބިޑަށް ހުޅުވާލާފއިވަނީ ކޮންޓްރެކްޓް ފައިނޭންސް އުސޫލުންނެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް