ޒަކާތު ހައުސް އިފްތިތާހުކުރުމުގެ ރަސްމިއްޔާތުގެ ތެރެއިން
ޒަކާތު ހައުސްގެ ނަމުގައި 10 ބުރީގެ އިމާރާތެއް އަޅަނީ
މުހައްމަދު އާދަމް އަހްމަދު
30 ޖެނުއަރީ 2025 - 10:37:30
ޒަކާތު ހައުސްގެ ނަމުގައި 10 ބުރީގެ އިމާރާތެއް އަޅަމުން އަންނަކަމަށް އިސްލާމިކް މިނިސްޓްރީން ބުނެފަިއެވެ.
Advertisement
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައިދޫ ވިދާޅުވީ ޒަކާތު ހައުސްގެ އިމާރާތް އަޅަނީ (ބައިތުއްޒަކާތު) ނަމުގައިކަމަށެވެ. އަދި އިމާރާތް ހުޅުމާލޭގައި އެޅުމުގެ މަސައްކަތް ކުރަމުން އަންނަކަމަށާއި މިއަހަރު ނިމުމުުގެ ކުރިން ިއމާރާތުގެ އަމަލީ މަސައްކަތް ފެށޭނެކަމަށް އުއްމީދުކުރައްވާކަމަށް މިނިސްޓަރު ޝަހީމް ވިދަޅުވިއެވެ.
" މި އިމާރާތް ވެގެންދާނީ ޒަކާތުގެ އިދާރާގެ އިތުރުން އޮފީސް ބައިތަކަށް ކުއްޔަށްދެވޭ ޒަކާތު ފަންޑުގެ 10 ބުރީގެ ފުރަތަމަ އިންވެސްޓްމަންޓަށް. މި އިމާރާތުގެ އޮފީސް ބައިތަކުން ލިބޭ ނަފާ ބެހިގެން ދާނީ ޒަކާތުގެ ޙައްޤުވެރިންނަށް." މިނިސްޓަރު ޝަހީމްް ވިދާޅުވިއެވެ.
ޒަކާތު ހައުސްގެ އުފައްދާފައި އިފްތިތާހުކޮށްފައިވަނީ ޑިސެމްބަރު 18، 2023 ގައެވެ. ޒަކާތު ހައުސް އުފެއްދުމަށްފަހު މިދިޔަ އަހަރަކީ ރާއްޖޭގެ ތާރިހުގައި އެންމެ ގިނަ އަދަދަކަށް މުދަލު ޒަކާތް ލިބުނު އަހަރުކަމަށް އިސްލާމިކް މިނިސްޓްރީން ބުނެއެވެ. އެގޮތުން މިދިޔަ އަހަރު 101 މިލިއަނަށް ވުރެ ގިނަ ރުފިޔާ މުދަލު ޒަކާތުގެ ގޮތުގައި ވަނީ ލިބިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
