ޕީޕީއެމް އުވާލިކަން އިލެކްޝަނުން މިއަދު ހާމަކުރި އިރު އެ ކޮމިޝަނުން އެންމެ ފަހުން ނެރުނު ސީޔާސީ ޕާޓީގެ ދަފްތަރު ދައްކާގޮތުން މިދިޔަ މަހުގެ ނިޔަލަށް އެޕާޓީގައި 12،000 މެމްބަރުވެސް އެބަތިއްބެވެ.
މިދިޔަ އަހަރުގެ މެދާއި ހަމައަށްް ރާއްޖޭގެ ދެވަނައަށް އެންމެ މެންބަރުން ގިނަ ޕާޓީގެ ގޮތުގައި އޮތް ޕީޕީއެމް އުވާލުމަށް އެ ޕާޓީގެ ސެނެޓުން ނިންމީ މިދިޔަ ޑިސެމްބަރުމަހުގެ 2 ވަނަދުވަހުއެވެ. ސެނެޓުން ޕީޕީއެމް އުވާލަން ނިންމީ އެ ބައްދަލުވުމުގައި ބައިވެރިވި 42 ސެނަޓަރުންގެ އިއްތިފާގުންނެވެ.
ޕީޕީއެމަކީ ރާއްޖޭގައި ދެވަނަ އަށް އުފެއްދި ސިޔާސީ ޕާޓީގެ ޑީއާރުޕީގެ ތެރޭގައި އުފެފދުނު ހިޔާލުތަފާތުވުންތަކަށް ފަހު އެ ޕާޓީ ދެފަޅިވެ އުފެދުނު ޕާޓިއެކެވެ. ޕީޕީއެމް އުފެއްދެވީ ކުރީގެ ރައީސް މައުމޫން އަބްދުލް ގައްޔޫމް އިސްވެ ހުންނަވާއެވެ. އަދި އެޕާޓުގެ ފުރަތަމަ ލީޑަރަކީވެސް އެމަނިކުފާނެވެ. ޕީޕީއެމް އުފެދުނީ 27 އޮކްޓޫބަރު 2011 ގައެވެ.
އީސީން މިއަދު ޕީޕީއެމް އުވާލިކަން އިއުލާންކުރި އިރު، އެޕާޓިގެ ނަމާއި ކުލަ، ލޯގަ ފަދަ ޕާޓީ ރަމްޒުކޮށްދޭނެ އެއްވެސް އެއްޗެއް އަލަށް އުފައްދާ ޕާޓީއެއްގައި 5 އަހަރު ވަންދެން ބޭނުންނުކުރޭ ގޮތަށް ސީޔާސީ ޕާޓީތަކުގެ ގާނޫނަށް ވަނީ އިސްލާހު ގެނެސްފައެވެ.
